32:390  nes  reprobos:  sicuti,  teste  Iuda,  hoc  aeterno  documento  testatus  est  semel  Deus  se  omnium  impiorum  fore  iudicem.  Quod  sequitur,  nonnulli  sic  vertunt,  In  ignem  deiicies  eos:  quod  est  tolerabile.  Sed  quia  2  beth  saepe  nota  est  instrumenti  apud  Hebraeos,  posset  etiam  commode  reddi,  Deiicias  eos  per  ignem,  vel,  cum  igne,  sicuti  Deus  contra  Sodomam  et  Gomorrham  fulminavit.  Optat  autem  submergi  in  profundas  abyssos,  unde  nunquam  resurgant.  Nam  quum  Deus,  quos  duriter  percussit,  sanare  interdum  soleat,  spem  veniae  reprobis  David  praecidit,  nempe  quia  videbat  esse  insanabiles.  Nam  si  flexibiles  fuissent  ad  resipiscentiam,  ipse  quoque  vicissim  fuisset  ad  misericordiam  propensus.  12.  Vir  linguae  non  stabilietur  in  terra,  virum  violentiae  noxa  venabitur  ad  expulsiones.  13.  Cognovi  quod  faciet  Iehova  iudicium  pauperis,  iudicium  afflicti.  14.  Utique  iusti  celebrabunt  nomen  tuum,  habitabunt  recti  coram  facie  tua.  12.  (Vir  linguae.)  Quod  vertunt  quidam  linguacein,  nimis  restrictum  est,  neque  enim  vel  maledicum,  vel  garrulum,  vel  futilem,  et  iactantiae  deditum  intelligit:  sed  virulentum  hominem,  qui  fraudibus  et  calumniis  magis  quam  aperto  marte  pugnat.  Nam  hoc  sub  altera  specie  ostendit,  tam  perfidiae  et  astutiis  quam  violentiae  deditos  fuisse  hostes  suos:  atque  ita  leonum  simul  et  vulpium  fuisse  similes:  sicuti  ante  conquestus  est,  venenum  aspidis  aut  viperae  esse  sub  labiis  eorum.  Caeterum  quum  verba  sint  futuri  temporis,  maior  pars  interpretum  in  optandi  modum  resolvit,  quod  tametsi  non  repudio,  malui  tamen  retinere  futurum  tempus:  quia  non  tam  videtur  precari  David,  quam  animum  erigere  ad  spem  liberationis.  Ergo  sive  insidiis  obrepant  hostes,  sive  palam  furorem  suum  prodant,  remedium  in  manu  Dei  fore  sibi  promittit.  Et  concinna  est  similitudo  venationis  :  quia  sicuti  venator,  ubi  undique  tetendit  plagas  suas,  nullum  belluae  effugium  relinquit:  ita  docet,  quantumvis  tergiversentur  impii,  non  posse  tamen  elabi  ex  Dei  iudicio.  Venatur  autem  eos  malum  in  expulsiones,  quia  impunitatem  captando,  magis  se  praecipitant  in  ruinam.  13.  (Cognovi  quod.)  Hic  iam  haud  dubie  David,  ut  precationem  suam  obsignet,  de  providentia  Dei  et  iudicio  secum  disserit:  quia  (sicuti  iam  dictum  est)  dubitanter  orando  nihil  aliud  quam  opera  luditur.  Pronuntiat  igitur  quasi  de  re  sibi  certo  nota  et  comperta,  fieri  non  posse  quin  Deus  afflictis  tandem  subveniat.  Quia  autem  connivet  ad  tempus,  probosque  et  simplices  misere  vexari  patitur,  prudenter  David  huic  tentationi  opponit  clypeum,  facere  hoc  Deum  consulto,  ut  afflictos  sublevet,  oppressosque  restituat.  Ideoque  diserte  exprimit  vindicem  fore  inopis  et  afflicti.  Hoc  modo  se  et  alios  ad  25*