20:390  eorum  exempla  in  quos  nulla  huiuscemodi  suspicio  cadere  posse  videbatur.  Itaque  primum  a  te  peto  ut  si  quid  ille  tale  aliquid  commisit,  mihi  pro  humanitate  tua  ignoscas,  meque  lapsum  opinione  ita  putes,  ut  potestas  tamen  et  vere  de  aliis  iudicandi  et  eos  tibi  commendandi  nullo  modo  adempta  sit.  Nam  hunc  quidem  Ioannem  Gaperonium  l)  iamdiu  ita  cognovi,  tum  in  publicis  concionibus  in  quibus  caste  integreque  est  versatus,  tum  in  privatis  nostris  colloquutiones  vitaeque  totius  consuetudine,  ut  tibi  et  affirmare  et  spondere  possim,  eum  nec  re  nec  oratione  commissurum  quod  sanctissimo  vestro  coetu  indignum  sit.  Is  Monspessuli  coenobio  Dominicanorum  ita  diu  praefuit  ut  ea  in  administratione  eius  et  prudentia  et  probitas  et  gravitas  perspecta  fuerit  omnibusque  maximopere  probata.  Postea  vero  quam  a  Domino  est  illuminatus  magis  hae  virtutes  in  illo  eluxerunt,  ut  non  sit  nobis  dubitandum  quin  in  Domini  timore  pietatisque  studio  sibi  apud  vos  constet.  Nam  quantum  in  eo  religionis  sit  studium  atque  amor,  satis  declarat  vitae  susceptae  ac  diu  probatae  commutatio,  in  qua,  si  voluisset  otii  ventrisque  aut  etiam  alicuius  existimationis  rationem  habere,  cum  magna  et  gratia  et  laude  hominum  multorum  manere  poterat.  Sed  pluris  facit  unius  Christi  excellentem  cognitionem  vestramque  consuetudinem,  quam  caeterarum  huiusmodi  perfruitionem  rerum,  quae  cum  impietate  coniunctae  sunt.  Itaque  a  te  peto  atque  contendo  ut  hunc  a  me  tibi  commendatum  ita  nunc  accipias,  eoque  iudicio  atque  animo  comprehendas,  ut  omni  tempore,  quo  istic  vobiscum  futurus  est,  optimum  virum,  modestissimuoi,  gravissimum  hominem,  vestri  studiosissimum,  amantissimum,  observantissimus^  vestra  ecclesia  perdignum  sis  cogniturus.  Ego  pro  eo  fidem  meam  interpono.  Dominus  sit  tecum.  Nemausi  iiij.  no.  Ma.  Tuus  App.  Claud.  4152.  BOSQUETUS  CALVINO.  Italiae  pertaesus  de  reditu  cogitat  (Ex  autographo  Cod.  Goth.  404,  fol.  762.  Edidit  Liebe  p.  75.)  4151.  1)  Eundem  denuo  Baduellus  commendat  N.  1348  i.  e.  a.  1550  eumque  dicit  iam  olim  commendatum  a  se  Calvino  fuisse  et  notum.  Inde  Gaufresius  eos  coniectura  hanc  biennio  antiquiorem  facit  25*