58:39  39  SECOND  SERMON  40  ait  acquis  faveur  pour  rien  qu'il  apportast?  Il  n'est  pas  ainsi.  Voici  donc  le  texte  de  Moise,  sans  que  on  y  apporte  nulle  glose  qui  monstre  assez  que  l'eglise  procede  de  la  pure  grace  de  Dieu:  et  ainsi,  que  toute  la  louange  de  nostre  salut  lui  doit  estre  reservee  en  son  entier.  Or  cependant,  ceux  qui  voudroient  ou  renverser,  ou  obscurcir  ceste  doctrine,  disent,  Combien  que  Dieu  ne  cogneust  aucun  merite  en  Iacob:  toutesfois  si  est-ce  que  il  le  prevoioit  bien  tel  qu'il  seroit.  Voila  pourquoy  ils  disent  qu'il  Pa  choisi,  et  qu'Esau  a  este  reprouve.  Bref,  d  autant  que  beaucoup  de  canailles  n'osent  pas  nier  plat  et  court,  l'election  de  Dieu,  ils  veulent  qu'il  y  ait  une  cause  superieure,  c'est  assavoir  sa  prescience.  Et  qu'est-ce  que  ceste  prescience  ?  C'est,  que  Dieu  prevoit  tel  que  chacun  doit  estre  :  et  il  esiit  (disentils)  ceux  qu'il  a  preveu  devoir  estre  d'un  bon  naturel  et  affection:  et  ce  n'est  point  de  merveille  s'il  les  accepte  par  dessus  les  autres:  car  il  cognoist  le  bien  qui  n'y  est  pas  encore,  mais  qui  y  doit  estre.  Or  telles  gens  n'ont  pas  une  goutte  de  crainte  de  Dieu  :  car  ils  blasphement  manifestement  contre  le  saint  Esprit,  qui  a  parle  par  la  boueh*e  de  saint  Paul,  et  se  moquent  de  ce  que  saint  Paul  a  dit,  comme  si  c'estoit  fable.  Car  si  on  accepte  leur  solution,  saint  Paul  auroit  parle  en  homme  ignorant  et  inconsidere:  car  il  prend  ceste  raison-la,  II  n'y  avoit  ne  bien  ne  mal  ni  en  Isaac,  ni  en  Esau,  ni  en  Iacob:  toutesfois  Dieu  en  a  esleu  l'un,  et  reprouve  l'autre.  Or  la  replique  seroit  facile,  selon  ces  fantastiques  la.  Et  comment?  Il  est  vrai  qu'il  n'y  avoit  ne  bien  ne  mal  :  mais  il  y  devoit  estre,  et  Dieu  l'a  ainsi  preveu.  Mais  saint  Paul  presupose  ce  qui  est  vrai:  c'est  assavoir  que  nous  sommes  tous  damnez,  et  que  iusques  a.  ce  que  Dieu  nous  ait  esleuz,  il  faut  que  nous  demeurions  comme  des  serpens  pleins  de  venin,  et  qu'il  n'y  ait  en  nous  que  matiere  d'ire  et  de  vengeance  de  Dieu,  que  nous  soions  tous  confus,  pleins  de  venin  et  d'iniquite.  Voila  que  c'estoit  de  Iacob,  aussi-bien  que  d'Esau.  Car  que  trouverons-nous  en  la  race  d'Adam,  sinon  toute  corruption?  Nous  sommes  donc  infects  devant  Dieu:  et  d'autant  que  la  racine  est  maudite  et  vicieuse,  qu'elle  est  toute  pourrie,  il  faut  que  les  fruits  soient  sembables.  Ainsi  donc,  quand  Dieu  nous  laissera  tels  que  nous  sommes,  il  nous  faudra  perir  iusques  a  un,  qu'il  n'en  demeurera  pas  un  seul,  que  nous  ne  soions  tous  perdus  et  abismez.  Bref,  c'est  une  doctrine  assez  commune  en  l'escriture  sainte,  que  nous  sommes  tous  enfans  d'ire.  Il  s'ensuit  donc  qu'il  n'y  a  en  Esau  et  en  Iacob  nulle  diversite,  et  que  Dieu  n'a  pas  distingue  l'un  d'avec  l'autre,  pour  ce  qu'il  y  trouvast,  et  qu'il  y  preveust  aucun  bien.  Car  que  pouvoit  il  prevoir,  sinon  ceste  masse  corrompue  d'Adam,  qui  n'apporte  autre  fruit  que  malediction?  Voila  ce  qu'il  a  preveu  tant  en  l'un  qu'en  l'autre  indifferemment.