54:39  39  SERMON  III  prouvons  nostre  zele,  voire  pour  le  monstrer  au  besoin,  et  pour  declarer  l'amour  et  l'affection  que  nous  avons  de  servir  a  Dieu,  que  nous  scachions  nous  esvertuer,  encores  que  nous  voyons  que  nostre  doctrine  ne  plaise  point  au  monde,  qu'on  murmure  a  l'encontre,  que  nous  passions  outre  quoy  qu'il  en  soit.  Et  mesmes  s'il  faut  venir  a  des  combats  plus  grans,  qu'il  faille  burter  et  chocquer  a  bon  escient,  que  nous  ayons  ceste  fermete  en  nous  de  ne  point  reculer,  mais  que  nous  poursuyvions  tousiours  en  despit  de  tous  ceux  qui  s'elevent  contre  nostre  Seigneur  Iesus  Christ:  voire  quand  ce  viendra  aux  menaces  et  aux  dangers,  que  la  nous  monstrions  ceste  vertu  dont  il  est  ici  question.  Et  cependant  que  nous  ne  laissions  point  de  tascher  (entant  qu'en  nous  sera)  d'amener  a  Iesus  Christ  par  douceur  et  humanite  tous  ceux  qui  se  rendront  dociles,  que  nous  ayons  pitie  et  compassion  d'eux.  Car  il  faut  bien  que  nous  ayons  discretion  entre  ceux  qui  sont  revesches,  et  ceux  qui  auront  un  esprit  debonnaire.  Ie  verray  un  homme  qui  ne  demande  sinon  d'estre  enseigne,  et  ie  viendray  user  d'aigreur  a  l'encontre:  a  quel  propos?  Et  puis,  ie  verray  un  homme  qui  sera  revesche,  et  i'useray  d'une  pareille  mesure.  Or  notons  quand  il  est  parle  de  l'office  des  ministres,  qu'il  est  dit  qu'ils  doyvent  guarir  ce  qui  est  malade,  qu'ils  doyvent  confermer  ce  qui  est  debile,  qu'ils  doyvent  supporter  les  foibles,  et  leur  tendre  la  main:  et  quand  il  y  a  des  loups  qui  veulent  approcher  du  troupeau,  qu'ils  les  doyvent  repousser  avec  grande  rigueur:  qu'ils  doyvent  consoler  ceux  qui  sont  en  angoisse  et  en  fascherie,  qu'ils  doyvent  par  menaces  et  reprehensions  aigres  reduire  sous  le  ioug  de  Iesus  Christ  ceux  qui  veulent  faire  des  bestes  sauvages  :  quand  donc  une  telle  discretion  sera  observee,  nous  aurons  ceste  sobriete  dont  parle  ici  sainct  Paul.  Or  pour  conclusion  il  exhorte  Timothee  de  riavoir  point  honte  de  V  Evangile  de  Iesus  Christ,  ne  de  luy  qui  est  son  prisonnier.  Comme  s'il  disoit,  il  faut  qu'auiourduy  nous  monstrions  nostre  constance:  puis  que  le  nom  de  Dieu  est  blaspheme,  qu'on  se  mocque  de  l'Evangile,  qu'il  est  reiette  communement  du  monde,  que  nous  soyons  armez  de  vertu,  afin  de  ne  point  flechir,  voire  et  de  n'estre  point  desbauchez  pour  cela.  Et  c'est  une  exhortation  bien  necessaire.  Car  si  nous  voulons  marcher  tousiours  pour  faire  nostre  office,  il  est  certain  qu'il  nous  faut  avoir  les  yeux  fermes  a  tous  les  changemens  et  revolutions  qui  pourront  venir  au  monde.  Et  pourquoy?  Les  hommes  ont  les  aureilles  chatouilleuses,  on  voit  que  beaucoup  appetent  nouveaute,  on  voit  qu'il  est  difficile  aussi  de  continuer,  mesmes  les  bons  quelque  fois  seront  esbranlez,  voyans  les  choses  ainsi  confuses:  brief,  il  est  bien  difficile  de  servir  a.  Dieu  sans  de  grandes  tentations.  Car  on