53:39  39  SERMON  III  40  bons  tesmoins  de  ce  lieu,  et  faut  que  l'honneur  de  la  ville  soit  ici  dechiffro,  quand  les  choses  sont  ainsi  desbordees  et  confuses.  Brief,  quand  un  passant  aura  ici  seulement  seiourne  trois  iours,  il  aura  bien  apperceu  qu'il  n'y  a  plus  ni  honnestete  ni  modestie  devant  les  hommes,  et  le  bruit  de  nostre  infamie  volera  mesmes  iusques  a  cent  lieues  loin.  Cognoissons  quand  nous  voudrons  ainsi  nous  picquer  a  l'encontre  de  Dieu  par  nos  mauvaises  coustumes,  que  nous  avons  beau  nous  couvrir,  nous  aurons  beau  alleguer,  Chacun  fait  ainsi:  si  faudra-il  que  Dieu  nous  amene  a  ce  iugement  qu'il  a  establi  par  sa  parole.  Gomme  dit  nostre  Seigneur  Iesus  Christ,  ce  ne  sera  pas  moy  qui  vous  iugeray,  mais  la  parole  que  vous  oyez  auiourd'huy  de  ma  bouche.  Et  cependant  ceux  qui  ne  sont  pas  du  tout  incorrigibles,  qu'ils  regardent  a  eux,  qu'ils  cognoissent  que  pour  estre  tenus  et  reputez  fideles,  et  pour  estre  enrollez  au  registre  de  Dieu  comme  ses  enfans,  qu'il  faut  qu'ils  ayent  une  bonne  conscience  et  pure.  Comme  aussi  sainct  Pierre  nous  monstre,  que  si  nous  croyons  Iesus  Christ  estre  ressuscite,  il  faut  que  nostre  conscience  soit  pure.  Voila  dont  il  deduit  la  bonne  conscience,  quand  il  traitte  du  Baptesme,  il  la  fonde  sur  la  resurrection  de  nostre  Seigneur  Iesus  Christ.  Et  pourquoy?  Car  regardons  a  quel  propos  Iesus  Christ  est  ressuscite:  ce  n'a  pas  este  seulement  pour  soy,  mais  c'a  este  afin  que  nous  soyons  participans  avec  luy  de  la  vie  eternelle  qu'il  nous  a  acquise,  et  que  nous  com  parois  sion  s  comme  ses  freres  devant  Dieu  et  que  ce  qui  est  de  la  vie  humaine  en  nous,  c'est  a  dire  de  nostre  nature,  que  cela  soit  mortifie.  Car  la  resurrection  de  nostre  Seigneur  Iesus  Christ  seroit  inutile  sans  cela.  Il  nous  faut  donc  avoir  une  response  de  bonne  conscience  devant  Dieu,  si  nous  avons  este  baptizez  au  nom  et  en  l'authorite  de  nostre  Seigneur  Iesus  Christ,  et  que  nous  n'ayons  point  falsifie  le  signe  de  ceste  alliance  que  Dieu  a  contractee  avec  nous.  En  outre,  il  y  a  ceste  purete  de  coeur  qu'il  adiouste,  voire  pour  monstrer  que  nous  ne  devons  pas  seulement  nous  abstenir  du  mal  qui  est  en  nos  mains,  mais  qu'il  faut  que  nous  servions  a  Dieu  d'une  droite  affection.  Car  il  ne  se  contente  pas  de  toute  l'apparence  qui  est  prisee  des  hommes.  Nous  pourrons  bien  estre  estimez