51:39  39  SERMONS  40  le  doe.  Or  cependant  Dieu  ne  les  oublie  pas,  et  toatesfois  si  nous  voulions  qu'ils  fussent  oubliez  de  luy,  il  nous  en  faudroit  avoir  memoire.  Et  c'est  a  quoy  sainct  Paul  nous  solicite  en  ce  passage.  Et  au  reste  nous  voyons  quelle  sottise  il  y  a  eu,  et  quelle  ignorance  (ou  bestise  plustost)  aux  docteurs  de  la  Papaute,  quand  ils  ont  cuide  que  ce  mot  de  Chair  ne  soit  que  la  sensualite  (que  ils  appellent)  en  Phomnie:  car  voila  comme  ils  le  partissent.  Ils  confesseront  assez  qu'il  n'y  a  que  corruption  en  tous  nos  appetis,  qu'ils  appellent  inferieurs:  mais  cependant  que  nous  avons  nostre  franc  arbitre,  voire  tellement  qu'il  y  reste  quelque  raison  et  intelligence  en  nous.  Voila  donc  selon  les  Papistes  quelle  est  la  sensualite  des  hommes,  quand  ils  ne  se  gouvernent  pas  selon  leur  raison:  mais  qu'ils  s'adonnent  par  trop  ou  a  paillardise,  ou  a  yvrongnerie',  ou  a  gourmandise,  ou  a  choses  semblables.  Or  sainct  Paul  met  ici  aussi  bien  l'ambition  en  son  reng.  Car  dont  vient  que  les  hommes  non  seulement  se  portent  envie,  mais  qu'ils  ont  une  emulation  pour  surmonter  l'un  l'autre  et  pour  estre  reputez  ou  plus  sages  ou  plus  aigus?  n'est-ce  pas  qu'un  chacun  appete  de  se  faire  valoir  selon  le  monde?  et  cela  est-il  moins  a  condamner  que  les  paillards  et  yvrongnes?  Quand  un  poure  malotru  qui  appetera  a  boire  et  a  manger  sera  bien  saoul,  et  bien,  il  s'en  ira  son  train  :  il  ne  demande  point  ni  d'estre  Roy,  ni  d'estre  grand  seigneur,  il  passe  son  temps:  un  autre  qui  sera  addonne  au  ieu  ira  cagnarder  avec  des  belistres  semblables  a  luy,  et  il  ne  sera  point  solicite  d'ambition  ni  de  grand  honneur.  Ceux  donc  qu'on  estime  les  plus  honnorables,  et  qui  se  prisent  aussi  beaucoup,  ceux  la  sont  les  plus  charnels,  dit  sainct  Paul,  comme  aussi  nous  avons  veu  en  la  premiere  epistre  des  Corinthiens  qu'il  les  accusoit  comme  charnels,  d'autant  qu'ils  estoyent  en  debat  touchant  la  doctrine  l'un  contre  l'autre,  et  qu'il  y  avoit  ceste  folle  curiosite  d'estre  veus  et  prisez  selon  les  hommes:  comme  aussi  il  adiouste  les  sectes  et  heresies.  Quand  un  homme  troublera  l'Eglise  de  Dieu  par  fausse  doctrine,  ou  soit  par  despit  des  hommes,  ou  pour  acquerir  quelque  bruit  et  reputation,  on.  ne  dira  pas  selon  les  Papistes  que  celuy-la  soit  charnel  :  on  dira  qu'il  n'est  que  trop  subtil,  voire  mais  sainct  Paul  dit  que  les  heresies,  les  ambitions  et  emulations  sont  oeuvres  de  la  chair.  Nous  voyons  donc  ce  que  nous  avons  traitte  ce  matin,  que  sous  ce  mot  de  Chair  tout  ce  qui  est  propre  a  l'homme  est  compris,  et  qu'il  faut  que  nous  soyons  changez  et  reformez,  ou  nous  serons  addonnez  a  tout  mal.  Il  est  vray  (comme  i'ay  desia  touche)  que  les  Payens  et  incredules,  encores  que  Dieu  leur  ait  lasche  la  bride,  et  qu'il  ne  les  ait  point  regenerez  par  son  sainct  Esprit,  seront  aucunes