49:39  EPIST.  PAULI  AD  EOMANOS  40  istas  accusandi  ac  defendendi  ad  diem  Domini  confert:  non  quia  sint  tunc  primum  emersurae,  quae  assidue  nunc  vigent  ac  officium  suum  exercent:  sed  quia  sint  tunc  quoque  valiturae,  ne  quis  ut  frivolas  et  evanidas  contemnat.  In  die  autem  posuit,  pro  in  diem:  quemadmodum  et  prius.  16.  Quo  iudicabit  Deus  occulta  hominum.  Appositissima  est  iudicii  periphrasis  ad  locum  praesentem  :  ut  sciant  qui  se  libenter  in  latebras  stuporis  abderent,  intimas  illas  et  nunc  in  recessu  cordis  penitus  latentes  cogitationes  in  lucem  tunc  prodituras.  Quemadmodum  alibi  (1.  Cor.  4,  5),  dum  vult  Corinthiis  ostendere  quam  nihili  sint  humana  iudicia,  quae  in  externis  larvis  resistunt:  iubet  exspectare  donec  venerit  Dominus,  qui  illustret  occulta  tenebrarum  et  patefaciat  occulta  cordium.  Id  quum  audimus,  succurrat  nos  admoneri,  si  volumus  nos  vere  approbare  nostro  iudici,  ut  ad  illam  animi  sinceritatem  enitamur.  Addit  secundum  evangelium  meum,  significans  se  doctrinam  proferre,  cui  humani  sensus  et  naturaliter  insiti  respondeant  Ac1)  gnum  appellat  ratione  ministerii.  Nam  penes  unum  Deum  est  evangelii  edendi  autoritas:  sola  dispensatio  apostolis  commissa  est.  Caeterum  non  mirum  est  si  pars  evangelii  dicatur  futuri  iudicii  nuntius  ac  praeconium2).  Nam  si  usque  ad  plenam  regni  coelestis  revelationem  differtur  eorumi  quae  promittit,  effectus  et3)  complementum:  cum  extremo  iudicio  necesse  est  coniungi.  Deinde  praedicari  Christus  non  potest,  nisi  aliis  in  resurrectionem,  aliis  in  ruinam:  quorum  utrumque  ad  diem  iudicii  pertinet.  Particulam  per  Iesum  C  h  r  i  s  t  um  quamquam  aliis  secus  videtur,  ego  tamen  ad  iudicium  refero,  in  hunc  sensum,  quod  Dominus  per  Christum  suum  iudicium  exsequetur.  Est  enim  ille  constitutus  a  patre  iudex  vivorum  et  mortuorum,  quod  inter  praecipua  evangelii  capita  semper  apostoli  recensent:  sic  erit  plenior  sententia,  quae  alioqui  frigeret.  17.  Ecce  tu  Iudaeus  cognominaris,  et  acquiescis  in  lege,  et  gloriaris  in  Deo,  18.  et  nosti  voluntatem,  et  probas  eximia,  institutus  ex  lege:  19.  confidisque  te  ipsum  esse  ducem  caecorum,  lumen  eorum  qui  sunt  in  tenebris,  20.  eruditorem  insipientium,  doctorem  imperitorum,  habentem  formam  cognitionis  ac  veritatis  in  lege.  21.  Qui  igitur  doces  alterum,  te  ipsum  non  doces.  Qui  concionaris  non  furandum,  furaris.  22.  Qui  dicis  non  moecechandum,  moharis.  Qui  detestans  idola,  sacrilegium  perpetras.  23.  Qui  de  lege  gloriaris,  Deum  per  legis  transgressionem  dehonestas.  24.  Nomen  enim  Dei  propter  vos  probro  afficitur  inter  gentes:  quemadmodum  scriptum  est.  *)  quod  2)  annuntiatio.  3)  pertinet  eius