48:39  39  IN  ACTA  APOSTOLORUM  40  mors  Christi  aeterno  Dei  consilio  ordinata  fuerit,  ansam  praecidit  stultis  ac  pravis  cogitationibus,  et  offensiones  praevertit,  quae  concipi  alioqui  poterant.  Sic  enim  habendum  est,  Deum  nihil  frustra  vel  temere  decernere.  Unde  sequitur,  iustam  fuisse  causam,  cur  voluerit  Christum  pati.  Eadem  divinae  providentiae  cognitio  gradus  est  ad  considerandum  mortis  Christi  finem  ac  fructum.  Protinus  enim  in  Dei  consilio  hoc  nobis  occurrit,  iustum  fuisse  morti  addictum  pro  peccatis  nostris:  atque  eius  sanguinem  fuisse  mortis  nostrae  pretium.  Hic  autem  insignis  est  locus  de  providentia  Dei,  ut  sciamus  ab  ea  gubernari  tam  vitam  nostram,  quam  mortem.  Tractat  quidem  Lucas  de  Christo:  sed  in  eius  persona  speculum  habemus,  quod  nobis  universalem  Dei  providentiam  repraesentat,  quae  per  totum  mundum  se  extendit:  specialiter  tamen  relucet  nobis,  qui  sumus  Christi  membra.  Hic  duo  ponit  Lucas,  praescientiam  et  Dei  decretum.  Quanquam  autem  ordine  prior  est  praescientia,  {quia  Deus  quid  statuere  velit  antea  videt  quam  re  ipsa  statuat)  consilio  tamen  vel  decreto  eam  subiicit,  ut  sciamus  Deum  nihil  voluisse  aut  statuisse,  nisi  quod  longe  ante  direxerat  in  suum  finem.  Multa  enim  saepe  temere  decernunt  homines,  quia  subito.  Ergo  ut  Dei  consilium  ratione  non  carere  doceat  Petrus,  praescientiam  illi  sociam  adiungit.  Nunc  ista  duo  nos  distinguere  oportet,  atque  eo  diligentius,  quod  multi  hac  in  parte  falluntur.  Praeterito  enim  consilio  Dei,  quo  moderatur  totum  orbem,  nudam  praescientiam  arripiunt.  Inde  vulgaris  illa  distinctio,  quod  tametsi  praevidet  Deus  omnia,  nullam  tamen  creaturis  necessitatem  imponit.  Et  certe  verum  est  Deum  hoc  vel  illud  ideo  praescire,  quia  futurum  est:  sed  quemadmodum  videmus,  non  tantum  Deo  praevisum  Petrus  docet  quidquid  Christo  accidit,  sed  ab  eo  fuisse  decretum.  Hinc  autem  colligi  debet  generalis  doctrina:  quia  Deus  non  minus  in  totius  mundi  gubernatione  quam  in  ordinanda  morte  Christi  suam  providentiam  ostendit.  Dei  ergo  est,  non  futura  modo  praescire,  sed  suo  arbitrio  statuere  quid  fieri  vult.  Hoc  secundum  indicavit  Petrus,  quum  dixit,  certo  aut  definito  Dei  consilio  fuisse  traditum.  Quare,  aliud  est  praescientia  quam  voluntas  Dei,  qua  regit  ac  temperat  omnia.  Nonnulli  qui  acutius  cernunt,  Deum  non  modo  praescire,  sed  nutu  etiam  quaecunque  fiunt  in  mundo,  moderari  fatentur.  Interea  tamen  confusum  regimen  imaginantur,  quasi  Deus  fraena  laxaret  creaturis,  ut  singulae  sequantur  naturae  suae  ordinem.  Dicunt  solem  arbitrio  Dei  regi,  quoniam  nobis  lucendo  officium  peragit,  quod  illi  semel  a  Deo  iniunctum  est.  Hoc  modo  liberum  homini  arbitrium  relinqui  putant,  quoniam  ad  liberam  boni  et  mali  electionem  disposita  est  eius  natura.  Sed  qui  ita  sentiunt,  Deum  fingunt  sedere  in  coelo  otio-