45:39  39  HARMONIA  EVANGELICA.  40  praeposteras  et  adulterinae  esse  Mariae  laudes��  quibus  non  in  solidum  extollitur  Dei  potentia  et  gratuitus  favor.  49.  Et  sanctum  nomen  eius.  Haec  est  secunda  pars  cantici,  in  qua  generalibus  sententiis  sancta  virgo  Dei  virtutem,  iudicia  et  misericordiam  commendat.  Neque  enim  uno  contextu  hoc  membrum  cum  superior��,  sed  seorsum  legi  debet.  Extulerat  Maria,  quam  in  se  experta  erat,  Dei  gratiam.  Hinc  sumpta  occasione  exclamat,  sanctum  esse  eius  nomen,  et  misericordiam  eius  omnibus  sacculis  vigere.  Porro  sanctum  vocatur  Dei  nomen,  quia  reverentiam  summam  meretur:  ut  quoties  Dei  fit  mentio,  simul  veneranda  eius  maiestas  in  medium  prodeat.  Proxima  sententia,  ubi  laudatur  perpetuitas  misericordiae  Dei,  ex  solenni  pacti  formula  sumpta  est,  Ero  Deus  tuus,  et  seminis  tui  in  saeculum.  Item,  Ego  sum  Deus  faciens  misericordiam  in  mille  generationes  (Gen.  17,  7;  Deut.  7,  9).  Quibus  verbis  non  modo  testatur,  se  perpetuo  fore  sui  similem,  sed  continuum  favorem  exprimit,  quem  erga  suos  prosequitur,  ut  post  eorum  mortem  filios  et  nepotes,  totamque  sobolem  diligat.  Sic  continuo  amoris  tenore  prosequutus  est  Abrahae  posteros,  quoniam,  patrem  Abraham  semel  in  gratiam  complexus,  aeternum  cum  ipso  foedus  pepigerat.  Sed  quia  non  omnes,  qui  descendunt  ex  Abraham  secundum  carnem,  genuini  sunt  Abrahae  filii,  promissionis  effectum  restringit  Maria  ad  veros  Dei  cultores,  quemadmodum  et  David  Psal.  103,  17,  Misericordia  Domini  a  saeculo  usque  in  saeculum  super  timentes  eum  :  et  iustitia  eius  in  filios  filiorum  iis,  qui  custodiunt  foedus  eius,  ete.  Sic  ergo  Deus  sanctorum  filiis  misericordem  se  per  omnes  aetates  fore  promittit,  ut  nullam  tamen  hypocritis  vanae  fiduciae  materiam  praebeat,  quoniam  frustra  et  temere  Deum  sibi  esse  patrem  gloriantur,  qui  degeneres  sunt  sanctorum  filii  et  ab  eorum  pietate  fideque  desciverunt.  Quare  hac  exceptione  refellitur  eorum  vanitas  et  iactantia,  qui  falso  gratiae  Dei  praetextu  sine  fide  inflati  sunt.  Universale  quidem  salutis  foedus  pepigit  Deus  cum  genere  Abrahae,  sed  quemadmodum  lapides  pluvia  irrigati  non  mollescunt,  ita  incredulis  obstitit  sua  durities,  ne  ad  eos  penetraret  promissa  iustitia  et  salus.  Interim  Deus,  ut  stabilis  rataque  esset  sua  promissio,  semen  aliquod  servavit.  Sub  timore  Domini  comprehenditur  tota  pietas  et  religio,  quae  sine  fide  constare  non  potest.  Verum  hic  poterit  obiici  quaestio,  Quorsum  attinet  vocari  Deum  misericordem,  si  talem  nemo  eum  sentit,  nisi  qui  eius  gratiam  promeretur?  Nam  si  Dei  misericordia  est  super  timentes  eum,  pietas  et  bona  conscientia  gratiam  hominibus  apud  eum  conciliant,  hoc  autem  modo  eius  gratiam  suis  meritis  homines  praevenient.  Respondeo,  hanc  quoque  esse  misericordiae  partem,  quod  timorem  sui  et  reverentiam