44:39  39  IN  SOPHONIAM  40  bus  suas  possessiones  arcano  Dei  decreto  esse  attributas:  sed  specialis  fuit  ratio  electi  populi:  quia  Dominus  constituerat  Abraham  dominum  illius  terrae,  idque  in  perpetuum.  Iam  Moabitae  erant  quasi  relegati:  Dominus  assignaverat  illis  suam  possessionem.  Quum  ergo  vellent  ultra  perrumpere,  et  invaderent  Iudaeos,  oportuit  iram  Dei  magis  accendi  contra  ipsos:  quia  non  gerebant  hoc  modo  bellum  cum  mortalibus,  sed  cum  ipso  Deo:  quia  terminos  ab  ipso  praefixos  revellendo  volebant  evertere  aeternum  eius  decretum.  Nunc  ergo  intelligimus  cur  propheta  dicat  filios  Moab  et  Ammon  magnificasse  super  terminum  eorum  qui  Dei  manu  locati  erant  in  terra  Chanaan:  quia  scilicet  non  tantum  voluerunt  eiicere  suos  vicinos,  sed  voluerunt  et  tentarunt  eripere  ex  manu  Dei  haereditatem  illam  quam  Dominus  Abrahae  dederat,  idque  in  perpetuum,  ut  diximus.  9.  Propterea  vivo  ego,  dicit  Iehova  exercituum  Deus  Israel,  quod  Moab  sicuti  Sodoma  erit,  et  filii  Ammon  sicuti  Gomorrha,  productio  urticae  et  fodina  salis  i  et  vastitas  in  perpetuum:  reliquiae  populi  mei  diripient  eos,  et  residuum  gentis  meae  possidebit  eos.  10.  Soc  illis  pro  superbia  sua,  qua  exprobrarunt  et  insultarunt  super  populum  Iehovae  exercituum.  Heri  Deus,  ut  aliquo  solatio  levaret  miseros  Iudaeos,  dicebat  sibi  cognitam  esse  proterviam  Moab:  nunc  adiungit  se  vindictam  sumpturum  de  probris  illis,  quorum  prius  facta  fuit  mentio.  Parum  enim  prodesset  conspici  a  Deo,  quidquid  patimur  iniuriarum,  nisi  parata  esset  ultio.  Ergo  propheta  admonet,  Deum  non  esse  otiosum  speculatorem,  qui  tantum  observet  quae  in  mundo  geruntur:  sed  mercedem  repositam  esse  omnibus  impiis.  Haec  autem  coniunctim  legenda  sunt,  ut  agnoscant  fideles  suas  iniurias  non  esse  Deo  incognitas:  deinde  ipsum  fore  vindicem.  Caeterum  quo  certius  confidant  Iudaei  Deum  liberatorem  suum  fore,  iusiurandum  interponitur.  Sed  interea  ostendit  Deus  serio  se  affici  dum  populum  suum  videt  crudeliter  et  tali  intemperantia  vexari,  ut  putent  impii  sibi  permitti  effraenem  licentiam.  Deus  ergo  hic  ostendit  non  modo  curae  sibi  esse  populi  salutem,  sed  se  causam  eius  suscipere,  perinde  ac  si  accensus  esset  iracundia:  non  quod  in  ipsum  cadant  passiones,  sed  talibus  loquendi  formulis  exprimitur  quod  alioqui  nunquam  fideles  conciperent,  nempe  inaestimabilem  erga  ipsos  Dei  amorem  et  curam  esse.  Dicit  ergo  se  vivere,  quemadmodum  si  iuraret  per  suam  vitam.  Sicuti  alibi  vidimus  per  animam  iurare:  ita  nunc  loquitur,  Vivo  ego:  hoc  est,  sicuti  ego  sum  Deus,  ita  ulciscar  istas  iniurias  quibus  nunc  opprimitur  populus  meus.  Et  hac  ratione  etiam  vocat  se  Iehovam  exercituum  et  Deum  Israel.  Priore  mem-