42:39  39  SERMON  XXXVII.  40  este  nourri  en  nostre  ville,  il  s'est  accommode  a  nos  moeurs,  et  a  nos  facons  de  faire,  il  ne  peut  faillir  que  cela  ne  revienne  en  nostre  avantage.  Or  ils  contoient  sans  leur  hoste,  car  cettui-ci  estoit  plein  de  malice  et  de  finesse,  il  est  vray  qu'il  faisoit  bien  du  chien  couchant,  cependant  qu'il  estoit  a  Rome,  mais  quand  il  fust  parvenu  au  royaume,  il  monstra  bien  qu'il  se  mocquoit  des  Romains,  et  qu'il  ne  tenoit  compte  d'eux  iusques  a  ce  qu'il  fust  force,  car  quand  ils  envoierent  des  ambassades  vers  luy  pour  s'accorder  entr'eux,  il  ne  vouloit  rien  faire  de  tout  ce  qu'ils  demandoient,  iusques  a  ce  qu'il  se  voit  presse,  qu'il  connoist  que  c'est  a  bon  escient,  alors  il  obeist  comme  feroit  un  petit  enfant  sous  la  verge,  mais  iusques  la  il  monstre  bien  qu'il  ni  avoit  nulle  loyaute  en  luy.  Nous  voions  donc  ce  qui  est  ici  predit  par  l'ange  avoir  este  accompli  du  tout  en  la  personne  d'Antiochus  Epiphanes.  Or  apres  qu'il  ha  dit  qu'il  entrera  par  flateries,  il  adiouste,  qu'il  y  aura  des  bras  contre  luy,  mais  qu'ils  seront  accables  comme  d'un  deluge.  Par  ce  mot  de  bras,  l'ange  signifie  les  resistances  qu'il  eust  au  royaume  de  Syrie  et  d'Asie,  iusques  a  ce  qu'il  eust  tout  gaigne,  voire,  car  il  y  eust  des  factions  et  entreprinses  contre  luy.  Mais  tant  y  ha  qu'en  la  fin  il  vient  a  bout  de  tous  ceux  qui  luy  avoient  resiste,  et  mesmes  du  prince  de  l'alliance,  c'est  a  dire  de  Ptolomee  qui  estoit  en  Egypte,  non  pas  que  Ptolomee  luy  feist  quelque  resistance,  car  il  estoit  encores  ieune  enfant,  il  estoit  neveu  de  cet  Antiochus,  fils  de  cette  Cleopatra  dont  il  fust  fait  mention,  et  de  Ptolomee  Epiphanes  son  pere.  Or  tant  y  ha  que  son  conseil  ne  vouloit  point  consentir  qu'Antiochus  fust  roy  de  Syrie,  et  la  dessus  il  se  fait  comme  prince  de  l'alliance,  or  l'ange  dit  que  ce  prince  de  l'alliance  sera  rompu  avec  les  bras  qui  se  ioindront  a  luy,  voila  donc  en  somme  l'exposition  de  cette  histoire.  Or  pour  en  faire  nostre  profit,  nous  avons  a  observer  ce  qui  ha  desia  este  declare,  c'est  assavoir  comme  les  ordonnances  de  Dieu,  qui  sont  sainctes  et  louables,  se  prophanent  par  la  malice  des  hommes,  voila  une  chose  detestable,  que  le  siege  de  iustice  soit  ainsi  pollue  par  des  meschans,  par  des  brigands  qui  ne  font  que  piller  le  peuple,  qui  ne  font  que  manger  la  substance  des  pauvres  gens,  et  les  princes  et  les  roys  que  devoient  ils  estre  sinon  comme  peres  de  tout  le  commun?  qui  devroient  avoir  une  affection  paternelle  envers  leurs  suiets,  qui  devroient  avoir  non  seulement  une  vigilance  a  gouverner  ceux  que  Dieu  ha  mis  entre  leurs  mains,  mais  une  grande  equite  et  droiture.  Or  il  n'y  ha  que  cruaute  et  par  cela  nous  voions  comme  les  hommes  pervertissent  les  estats  que  Dieu  avoit  dedies  a  son  honneur  et  au  bien  commun,  et  tout  cela  est  corrumpu  par  la  malice  des