39:39  39  PRAELECTIONES  40  ipsos  effectus,  qui  melius  confirment  quod  dixerat.  Dicit  igitur,  Dabo  illis  cor  unum,  et  viam  unam,  ut  timeant  me.  Neque  enim  aliter  Deus  pro  suo  populo  nos  agnoscit.  Neque  etiam  potest  esse  pater  nisi  spiritu  suo  nos  regeneret,  de  qua  regeneratione  hic  loquitur  propheta.  Sed  reliqua  differam  in  crastinum.  Heri  coepimus  exponere  sententiam  Ieremiae,  ubi  promittitur  novum  cor,  et  nova  via  populo.  Quod  autem  promittit  Deus,  certum  est  esse  in  eius  potestate,  et  non  in  arbitrio  hominis.  Hinc  colligimus  non  esse  penes  hominem,  ut  sibi  formet  cor  ad  obsequium.  Nam  supervacua  esset,  imo  absurda  promissio,  si  diceret  Deus  se  nobis  daturum  quod  iam  nostrum  esset,  et  quod  quisque  sibi  potest  conferre.  Promissiones  igitur  certa  sunt  testimonia  gratiae  Dei  non  tantum  quoad  finem  et  effectum:  sed  ut  sciamus  Deum  sibi  eorum  omnium  laudem  adscribere,  quae  nobis  promittit.  Et  hoc  argumento  saepe  Augustinus  pugnat  contra  Pelagianos,  et  recte  :  quia  mera  esset  fallacia,  quemadmodum  dixi,  Deum  aliquid  promittere  quod  non  esset  positum  in  eius  gratia,  sed  in  arbitrio  hominis.  Iam  quum  loquitur  de  corde  uno  exprimit  consensum,  sed  eiusmodi  ut  omnes  Deo  simul  obediant.  Saepe  enim  conspirant  homines  inter  se  in  malum:  et  coguntur  filii  Dei  saepe  discedere  ab  impiis:  et  hinc  etiam  dissidia,  quae  nunc  regnant  in  mundo,  quorum  culpa  in  nos  coniicitur.  Sed  quia  necesse  nobis  est  discedere  a  papistis  si  velimus  Deum  sequi,  praestat  centies  ab  ipsis  dissidere,  quam  omnes  simul  esse  unanimes,  ut  impia  sit  et  scelesta  conspiratio  contra  Deum.  Consensus  quidem  est  singulare  bonum,  quia-nihil  melius  est  vel  optabilius  pace:  sed  tenendum  semper  est,  ut  inter  se  feliciter  consentiant  homines,  debere  initium  fieri  a  verbi  obedientia.  Hoc  est  igitur  vinculum  legitimae  concordiae  inter  nos,  ut  a  primo  ad  ultimum  pareamus  Deo:  alioqui  maledictus  sit  omnis  consensus,  ubi  nulla  habetur  Dei  ratio,  et  verbi  eius.  Hoc  igitur  notandum  est,  ubi  promittit  Deus  cor  unum,  addit,  viam  unam,  quod  de  externis  operibus  intelligitur.  Et  videtur  Paulus  sumpsisse  ex  hoc  loco  quod  dicit  (Phil.  2,  13)  Deum  esse  qui  dat  nobis  et  velle  et  perficere  pro  suo  beneplacito.  Primo  loco  ponit  velle,  ubi  apud  prophetam  legimus  nomen  cordis.  Scimus  autem  cor  sedem  esse  omnium  affectuum.  Ergo  per  cor  unum  intelligit  propheta  affectus  consentientes  :  deinde,  per  viam  intelligit  quod  Paulus  dicit  perficere.  Neque  enim  satis  esset  velle,  nisi  accederet  exsequutio,  quemadmodum  opus  externum**  per  se  nullius  est  momenti,  nisi  praecedat  voluntas,  et  serius  affectus.  Nunc  ergo  tenemus  quid  velit  propheta.  Primo  ostendit  quomodo  futurus  sit  Israelitis  in  Deum,  nempe  quia  cor  unum  illis  dabit,  et