34:39  39  SERMON  LXV  40  que  combien  qu'il  s'appuye  sur  les  promesses  de  Dieu,  et  s'y  console,  neantmoins  il  ne  laissera  point  d'estre  fasche  et  trouble  en  soy.  Nous  ne  surmonterons  pas  du  premier  coup  les  tentations  :  mais  ii  nous  faut  batailler  avec  grand'  violence  et  difficulte.  Quand  nous  aurons  un  tel  combat,  nous  pourrons  bien  dire  comme  Iob,  Que  nous  ne  voyons  que  le  sepulchre,  que  nostre  esprit  est  defailli,  que  nostre  vigueur  est  retranchee,  qu'il  n'y  a  plus  de  remede.  Nous  pourrons  donc  parler  ainsi:  voire  selon  ce  qui  se  monstre:  mais  apres  que  nous  aurons  apperceu  nos  maux,  et  les  aurons  senti,  il  nous  faut  eslever  plus  haut  a  Dieu,  et  ne  douter  point  qu'il  ne  nous  delivre,  mesmes  qu'il  ne  face  tourner  a  nostre  profit  ce  qui  nous  semble  nous  estre  mal.  Voila  donc  en  somme  comme  nous  avons  a  prattiquer  ce  passage:  c'est  en  premier  lieu,  quand  chacun  de  nous  sera  en  telle  destresse  qu'il  ne  saura  plus  que  dire,  et  ne  verra  nulle  issue  en  son  cas:  et  bien,  ne  soyons  point  pourtant  estonnez,  encores  que  selon  la  chair  nous  apprehendions  la  mort,  qu'il  nous  semble  que  Dieu  nous  ait  delaissez,  et  qu'il  ne  nous  vueille  plus  secourir.  Et  pourquoy?  Nous  voyons  que  Iob  est  venu  en  une  telle  angoisse,  et  toutes  fois  il  n'a  pas  laisse  de  conclure  que  Dieu  auroit  pitie  de  lui  en  la  fin  apres  avoir  bien  combatu,  et  n'a  point  doute  de  la  victoire.  Voila  donc  comme  nostre  debilite  ne  nous  doit  pas  estre  matiere  de  desconfort:  mais  apres  que  nous  aurons  senti  tels  empeschemens,  que  nous  regardions  a.  Dieu:  Et  bien,  il  est  vrai  qu'il  nous  faut  ici  passer  par  le  sentier  auquel  iamais  on  ne  retourne,  ouy  selon  le  cours  de  nature:  voire,  mais  Dieu  n'a-il  pas  promis  aux  siens  de  leur  tenir  la  main  au  milieu  de  la  mort?  Ainsi  donc  marchons  hardiment.  Et  au  reste,  n'avons-nous  pas  Iesus  Christ  pour  conducteur?  Allons  a.  la  mort,  ne  savonsnous  pas  que  c'est  une  entree  pour  parvenir  k  la  gloire  des  cieux?  quand  la  resurrection  a  este  coniointe  a  la  mort  du  Fils  de  Dieu,  n'a-ce  pas  este  aussi  bien  afin  que  nous  soyons  certifiez  que  Dieu  ne  permettra  point  que  nous  demeurions  en  pourriture?  Ne  savons-nous  pas,  que  ce  qui  est  escrit  au  Pseaume  16  (v.  10)  a  este  accompli  en  lui,  que  Dieu  Pa  preserve  de  corruption,  afin  que  nous  en  soyons  affranchis  et  retirez  a  la  longue?  Nous  devons  donc  batailler  contre  les  frayeurs  de  la  mort,  ayans  les  promesses  de  Dieu,  ayans  aussi  une  telle  certitude  comme  nous  l'avons  en  la  personne  de  nostre  Seigneur  Iesus  Christ.  Voila  en  somme  ce  que  nous  avons  a  retenir  de  ce  passage.  Cependant  aussi  nous  sommes  admonnestez  de  la  fragilite  de  nostre  vie.  Mon  esprit  est  affadi,  dit  Iob.  Et  de  fait,  qu'est-ce  que  de  toute  la