33:39  39  SERMON  II  40  toute  sa  robe.  Voila  deux  similitudes,  qui  sont  pour  monstrer  que  Dieu  aime  paix,  et  amitie  entre  les  hommes,  et  sur  tout  entre  les  freres:  c'est  assavoir  que  c'est  pour  entretenir  le  genre  humain,  tout  ainsi  que  les  champs,  et  les  prez  prennent  nourriture  de  la  rosee  du  ciel,  et  aussi  que  c'est  une  chose  qui  est  de  bonne  odeur  devant  pieu,  que  ce  liii  est  un  sacrifice  bon  et  agreable,  tout  ainsi  que  l'odeur  de  ceste  onction  sacree  qui  fut  mise  sur  la  teste  d'Aaron.  Or  cependant  il  est  la  parle  de  ceux  qui  s'entretiennent  selon  Dieu:  car  les  meschans  pourront  bien  avoir  quelque  affection  d'amour  l'un  a  l'autre,  ils  pourront  bien  se  bander  pour  faire  leurs  complots:  mais  tout  cela  est  maudit,  il  faut  que  l'amitie  viene  de  Dieu,  et  qu'elle  s'y  rapporte.  Et  voila  pourquoi  le  nom  de  fraternite  est  mis,  a  fin  que  nous  soyons  enseignez  de  lever  les  yeux  a  Dieu,  et  y  avoir  nostre  regard,  quand  il  est  question  d'avoir  amour  mutuelle  les  uns  aux  autres.  Cependant  nous  voyons  ici  que  les  choses  qui  sont  les  meilleures  au  monde,  encores  pourront  tirer  quelque  corruption  de  la  malice  des  hommes.  En  cela  nous  voyons  que  c'est  de  nostre  nature,  depuis  qu'Adam  a  peche:  depuis  qu'il  s'est  oublie,  c'est  assavoir  que  lors  le  bien  a  este  converti  en  mal,  voire  combien  que  nostre  intention  soit  bonne.  Exemple,  quand  un  mari  aime  sa  femme,  qu'un  pere  aime  ses  enfans,  ce  sont  choses  bonnes  et  sainctes,  et  louables:  et  neantmoins  on  ne  trouvera  point  un  homme  au  monde  qui  aime  sa  femme  en  telle  mesure,  qu'il  n'y  ait  que  redire,  qui  aime  ses  enfans  d'une  amour  pure  et  entiere:  mais  il  y  aura  tousiours  quelque  meslinge,  quelque  corruption.  Et  comment  cela  ?  Quand  Dieu  a  ordonne,  que  le  mari  aime  sa  femme,  et  que  notamment  il  est  dit,  Aimez  vos  femmes,  comme  vos  propres  corps,  cela  doit-il  estre  attribue  a  vice?  Le  bien  peut-il  estre  converti  en  mai?  Or  cela  vient  de  nostre  maudite  nature:  comme  il  ne  faudra  qu'un  grain  de  sel,  ou  une  goutte  de  vinaigre  pour  corrompre  le  vin.  Ainsi  est-il  de  ce  que  les  hommes  ne  se  peuvent  tenir  en  mesure,  qu'ils  n'auront  point  leurs  affections  si  bien  reglees,  qu'il  n'y  ait  a  redire,  qu'ils  ne  soyent  a  condamner  en  beaucoup  d'endroits.  Ainsi  donc  ne  trouvons  point  estrange  que  Iob  ait  pense  que  ses  enfans  pouvoyent  avoir  offense  Dieu,  en  ce  qui  estoit  bon  et  louable  en  soi,  non  point  qu'il  condamnast  que  les  freres  convinssent  ensemble,  mesmes  qu'ils  fissent  bonne  chere  les  uns  avec  les  autres  pour  s'entretenir  en  amitie:  Iob  ne  condamne  point  cela,  mais  cognoissant  l'infirmite  des  hommes,  il  sait  qu'il  est  bien  difficile  de  tenir  mesure,  qu'il  n'y  ait  cependant  quelque  vice  mesle  parmi.  Et  pour  ceste  cause  il  a  este  sur  ses  gardes,  et  a  sanctifie  ses  enfans.  Mais  cependant  en-