32:39  39  PSALMUS  XCVI.  40  calculis  statueretur  religio,  vel  penderet  Dei  cultus  ex  nutu  hominum,  concideret  haec  prophetae  sententia.  Ergo  utcunque  innumeri  homines  in  errorem  consentiant,  libere  clamemus  post  spiritum  sanctum,  non  posse  eos  minuere  Dei  gloriam  :  quia  ut  ipsi  sunt  vanitas,  ita  vanum  est  ac  fallax  quidquid  ab  ipsis  prodit.  Iam  ubi  magnitudinem  Dei  asseruit,  eam  simul  confirmat:  quoniam  in  mundi  fabrica  relucet  eius  imago.  Nam  quum  proprium  Dei  sit,  a  se  ipso  esse  et  sua  virtute  stare:  sequitur-  commentitios  esse  omnes  deos  qui  non  sunt  mundi  opifices.  Coelos  autem  per  synecdochen  posuit,  quia  illic  magis  conspicua  est  Dei  potentia  pro  modo  ornatus  et  pulcritudinis.  6.  (Fortitudo  et  decor.)  Quum  -fin  fortitudinem  significet,  non  videntur  mihi  interpretes  probe  considerasse  rationem  contextus  dum  gloriam  vertunt:  nam  certe  in  secundo  membro,  eiusdem  sententiae  repetitio  est:  illic  autem  dicitur,  fortitudo  et  gloria  in  eius  sanctuario.  His  autem  verbis  significat  non  posse  Deum  rite  cognosci  quin  resplendeat  in  ipso  incomparabilis  virtus  et  maiestas.  Potentiam  vero  et  robur  priore  loco  nominat  quasi  materiam  gloriae.  Et  quia  Deus  per  se  invisibilis  est,  fideles  revocat  Propheta  ad  sanctuarium,  quod  symbolum  fuisse  praesentiae  eius  alibi  vidimus.  Quia  enim  mentis  nostrae  imbecillitas  ad  coeli  altitudinem  non  conscendit,  propheta  admonet  non  esse  nobis  obscuram  eius  gloriam,  quia  praesentiae  suae  insignia  exstare  voluit  in  templo,  in  sacrificiis,  in  arca  foederis.  Caeterum  quoties  fit  Dei  mentio,  discamus  gloriam  hanc  quae  in  facie  eius  refulget  animis  nostris  concipere:  quia  mortuam  potius  essentiam  imaginantur,  quam  vivam  deitatem,  qui  eius  potentiam  ab  eo  separant.  7.  Afferte  Iehovae  congregationes  populorum,  afferte  Iehovae  decus  et  robur.  8.  Afferte  Iehovae  decus  nominis  eius,  tollite  oblationem,  et  intr  ate  in  atria  eius.  9.  Adorate  coram  Iehovah  in  decore  sanctuarii  tremiscite  a  facie  eius  tota  terra.  7.  (Afferte  Iehovae  congregationes  populorum.)  Quum  tunc  Deum  maneret  laus  in  Sion,  et  locus  ille  sacer  esset  ad  celebrandum  Dei  nomen,  sola  etiam  Abrahae  posteritas  sacerdotio  ornata  foret,  non  dubium  est  quin  hic  propheta  ecclesiae  renovationem  designet,  quae  tandem  contingit  Christi  adventu.  Est  igitur  antithesis  inter  veterem  populum  et  gentium  familias,  quae  tandem  futurae  erant  eiusdem  adoptionis  consortes.  Porro  afferre  gloriam  et  fortitudinem,  tantundem  valet  ac  gloriam  fortitudinis  tribuere.  Atque  ut  ostenderet  nihil  afferre  homines  de  suo,  sed  Deum  iusta  laude  impie  fraudare  nisi  eum  celebrent,  adiungit  postea  gloriam  nominis  eius,  quo  verbo  significat  non  aliunde  eum