31:39  39  PSALMUS  I.  40  vivendi  ratione.  Caeterum  si  prophetae  saeculo  necesse  fuit  pios  Dei  cultores,  ut  vitam  suam  recte  componerent,  ab  impiorum  consortio  retrahi:  quo  hodie  corruptior  est  mundus,  eo  magis  sollicite,  ut  ab  eius  inquinamentis  puri  servemur,  fugienda  nobis  est  noxia  omnis  societas,  quanquam  non  tantum  ab  impiis  recedere  fideles  iubet  propheta,  ne  eos  inficiat  contagio,  sed  huc  usque  admonitio  se  extendit,  ne  sibi  quisque  impietatis  sit  magister:  fieri  enim  potest  ut  qui  nihil  labis  contraxit  ex  malis  exemplis,  malos  tamen  sponte  imitando,  eorum  sit  similis.  In  secundo  versu  non  simpliciter  beatos  pronuntiat  (ut  alibi)  qui  Deum  timent,  sed  pietatem  designat  per  legis  studium  :  quo  docemur  non  aliter  Deum  rite  coli,  nisi  quum  obeditur  verbo  eius.  Non  ergo  pro  cuiusque  arbitrio  fingenda  religio  est,  sed  ex  Dei  verbo  sumenda  est  pietatis  regula.  Quod  de  lege  sola  hic  loquitur,  non  perinde  accipi  debet  ac  si  reliquae  scriptur  aenullus  daretur  locus:  quin  potius  *quum  tota  scriptura  nihil  aliud  fuerit  quam  legis  expositio,  sub  capite  ipso  comprehenditur  corpus.  Legem  ergo  cum  suis  accessionibus  propheta  commendat,  nec  vero  aliter  staret  quod  nuper  diximus,  propositum  ei  fuisse  ad  psalmos  quaque  legendos  hortari  fideles.  Quod  autem  primo  requirit  ut  desiderium  piorum  sit  in  lege  Domini,  ex  his  verbis  discamus,  minime  Deo  probari  coactum  vel  servilem  cultum,  nec  alios  esse  idoneos  legis  discipulos,  nisi  qui  hilari  animo  ad  eam  accedunt,  et  quos  ita  delectat  eius  doctrina,  ut  nihil  potius  ducant  vel  suavius  quam  in  ea  proficere.  Ex  hoc  legis  amore  fluit  assidua  eius  meditatio,  quam  mox  subiicit  propheta.  Fieri  enim  non  potest  quin  se  libenter  in  ea  exerceant  quicunque  vero  eius  amore  tanguntur.  3.  Et  erit  tanquam  arbor  plantata  super  rivos  aquarum,  quae  fructum  suum  dabit  tempore  suo:  et  cuius  folium  non  defluet*),  et  quidquid  faciunt  secundabitur.  Similitudine  illustrat  proximam  sententiam,  et  simul  confirmat:  nam  quomodo  felices  censendi  sint  qui  Deum  timent,  ostendit:  quia  scilicet  non  ad  momentum  duntaxat  fluxa  inanique  laetitia  fruantur,  sed  stabilis  sit  eorum  conditio.  Subest  autem  tacita  antithesis  inter  vigorem  arboris  in  loco  irriguo  plantatae,  et  evanidam  eius  speciem,  quae  tametsi  pulcre  viret,  tamen  propter  soli  sterilitatem  cito  arescit.  Nam  de  impiis  videbimus  Psalmo  37,  35,  interdum  similes  esse  cedris  Libani.  Omni  enim  opum  et  honorum  copia  sic  affluunt,  ut  nihil  ad  praesentem  felicitatem  desit:  sed  quantumvis  in  sublime  erecti  sint,  longeque  et  late  ramos  suos  *)  ne  s'escoule  point,  en  marge:  ou  deschet.