3:39  39  INSTITUTION  CHRESTIENNE.  40  biens  qui  reside  en  Dieu  apparoist  tant  mieux:  singulierement  ceste  mal-heureuse  ruine  en  laquelle  nous  sommes  trebuschez  par  la  revolte  du  premier  homme,  nous  contraint  de  lever  les  yeux  en  haut,  non  seulement  pour  desirer  de  là  les  biens  qui  nous  defaillent,  comme  povres  gens  vuides  et  affamez,  mais  aussi  pour  estre  esveillez  de  crainte,  et  par  ce  moyen  apprendre  que  c'est  d'humilité.  Car  comme  on  trouve  en  l’homme  un  monde  de  toutes  miseres,  depuis  que  nous  avons  esté  despouillez  des  ornemens  du  ciel,  nostre  nudité  descouvre  avec  grand  honte  un  si  grand  tas  de  tout  opprobre,  que  nous  en  sommes  tous  confus:  d'autre  costé,  il  est  necessaire  que  la  conscience  nous  poigne  en  particulier  de  nostre  mal-heureté:  pour  approcher  au  moins  à  quelque  cognoissance  de  Dieu.  Parquoy  du  sentiment  de  nostre  ignorance,  vanité,  disette,  infirmité,  voire,  qui  plus  est,  perversité  et  corruption,  nous  sommes  induits  à  cognoistre  qu'il  n'y  a  nulle  part  ailleurs  qu'en  Dieu  vraye  clarté  de  sagesse,  ferme  vertu,  droite  affluence  de  tous  biens,  pureté  de  iustice,  tant  y  a1)  que  nous  sommes  esmeus  par  noz  miseres  à  considerer  les  biens  de  Dieu:  et  ne  pouvons  aspirer  et  tendre  à  luy  à  bon  escient,  qu'ayant  commencé  à  nous  desplaire  du  tout.  Car  qui  sera  l'homme  qui  ne  prenne  plaisir  à  se  reposer  en  soy,  et  mesmes  qui  de  fait  n'y  repose  pendant  qu'il  ne  se  cognoist  point:  assavoir  quand  il  se  glorifie  és  dons  de  Dieu,  comme  en