29:39  39  SERMON  CLXXXY.  40  ayons  conclu  de  resister  a  sa  main.  Or  il  est  dit:  Humiliez-vous  sous  sa  main  forte.  Quand  Dieu  apesantit  sa  main  sur  nous,  c'est  bien  raison  que  nous  soyons  courbez,  et  que  nous  gemissions  a  luy,  que  nous  luy  presentions  le  sacrifice  c^u'il  demande,  d'un  coeur  afflige:  si  nous  ne  le  faisons,  et  que  nous  ayons  tousiours  un  col  dur  et  roide,  et  encores  que  Dieu  poursuyve  de  nous  rappeller  a.  soy,  que  nous  sommes  tels  que  nous  estions  du  premier  coup:  et  quand  il  nous  aura  repete  une  mesme  lecon,  que  nous  en  demeurions  tousiours  la:  en  la  fin  si  faudra-il  venir  a  conte.  Voila  donc  ce  que  Dieu  a  entendu  en  ce  passage.  Que  reste-il  donc?  Yoici  Dieu  qui  promet  a  tous  ceux  qui  chemineront  en  sa  crainte,  et  s'appuyeront  sur  la  fiance  de  sa  bonte,  et  auront  leur  refuge  a  luy  :  que  tout  leur  prosperera,  que  rien  ne  leur  defaudra,  quand  ils  seront  ainsi  sous  la  protection  de  leur  Dieu.  Or  maintenant  que  peuvent  les  idoles  de  tous  les  payens  de  ce  monde,  et  de  tous  ceux  qui  ont  perverti  la  vraye  religion?  Ceux-la  seront-ils  favorisez  de  Dieu?  Nenni  pas  quant  a  eux,  sinon  d'autant  qu'il  nous  veut  chastier  par  leurs  mains.  Si  donc  nous  voyons  les  hommes  estre  ainsi  eslevez  par  dessus  nous,  et  avoir  avantage,  tellement  qu'ils  nous  puissent  fouler  au  pied,  que  nous  soyons  gourmandez  par  eux  :  sachons  que  c'est  Dieu  qui  nous  persecute,  c'est  a  luy  que  nous  avons  a  faire  :  d'autant  que  nous  luy  avons  fait  la  guerre  par  nos  vices,  il  faut  aussi  maintenant  qu'il  monstre  qu'apres  nous  avoir  longuement  attendu,  il  reste  qu'il  nous  face  sentir  a  nos  despens,  que  tout  ainsi  qu'il  est  nostre  Iuge,  qu'aussi  ne  peut-il  souffrir  que  ses  graces  soyent  en  tel  mespris  et  opprobre.  Bref,  toutes  fois  et  quantes  que  nous  sommes  affligez,  entrons  en  ce  qui  nous  est  ici  remonstre  par  Moyse,  pour  cognoistre:  Et  tant  y  a  que  nostre  Dieu  nous  a  promis  que  nous  trouverons  tousiours  bon  secours  en  luy:  or  maintenant  nous  voyons  tout  l'opposite.  A  quoy  tient-il?  La  faute  ne  nous  doit-elle  pas  estre  imputee?  Car  il  est  certain  que  Dieu  ne  veut  point  frustrer  les  siens  d'un  vain  espoir,  il  surmontera  tousiours  mesmes  leur  fiance  quand  ils  auront  embrasse  ses  promesses  comme  ils  doivent.  Il  faut  donc  conclurre,  que  par  nos  vices  nous  avons  quitte  et  abandonne  le  secours  qu'il  nous  avoit  promis,  et  nous  sommes  desnuez  (comme  il  est  dit  en  l'autre  passage  de  Moyse)  de  la  bonne  couverture  en  laquelle  estoit  nostre  salut.  Oar  Moyse  parlant  en  Exode  de  l'idolatrie  que  commit  le  peuple,  quand  il  se  forgea  les  veaux  d'or:  II  s'est  (dit-il)  descouvert:  comme  s'il  disoit,  que  la  seule  ombre  de  Dieu  nous  doit  estre  suffisante  pour  toute  seurte,  et  que  nous  n'avons  point  a  craindre  cependant  que  Dieu  nous  tient  cachez  sous  ses  aisles.  Mais  cependant  par  nos