28:39  39  SERMON  CXXVII.  40  cela  il  est  dit,  que  les  Iuifs  feront  aux  pans  de  ieurs  robes  des  franges^  ou  des  bords:  c'est  a  dire,  que  les  pans  de  leurs  robes  auront  comme  un  bord  large,  et  qu'ils  seront  pliez:  comme  il  en  est  parle  au  15.  chap.  des  Nombres.  Car  la  il  est  dit  qu'il  y  aura  des  chordons,  ou  rubans  de  hyacinthe,  pour  plier  les  pans  de  leurs  robes.  Et  pourquoy?  La  raison  est  la  exprimee.  Car  autrement  ce  passage  nous  seroit  obscur.  Il  est  dit  ici:  Tu  feras  aux  quatre  pans  a  e  ta  robe  des  bords,  ou  des  franges.  Si  nous  n'avions  que  ce  mot,  on  pourroit  demander  pourquoy:  et  n'en  seroit-on  point  resolu.  Mais  la  Dieu  dit,  que  telle  facon  devoit  servir  de  memorial.  Tu  penseras  que  tu  es  un  peuple  dedie  a  Dieu,  qui  t'a  attire  a  soy,  pour  te  garder.  En  petite  chose  donc  Dieu  a  voulu  admonnester  son  peuple,  afin  que  tousiours  il  recogneust:  Or  nous  ne  sommes  pas  comme  les  Payens,  qui  cheminent  selon  leurs  phantasies.  Car  Dieu  nous  a  baille  sa  Loy,  afin  qu'elle  nous  tienne  serrez  pour  la  garder.  Et  nous  avons  desia  veu  le  semblable  au  4.  chap.  Car  quand  Dieu  disoit  la,  que  les  Iuifs  devoyent  tousiours  s'exercer  en  pensant  a  sa  Loy,  il  disoit:  Sur  les  posteaux  de  vos  portes  vous  aurez  la  quelque  sentence  de  la  Loy:  quand  vous  serez  a  table,  vous  en  aurez:  mesmes  vous  en  porterez  sur  vous,  et  en  ferez  vos  paremens:  au  lieu  que  les  autres  ont  des  bracelets,  des  images  d'or,  vous  aurez  la  quelque  billet  pour  vous  ramentevoir:  Ton  Dieu  parle  a  toy,  et  ne  veut  point  que  tu  mettes  sa  doctrine  en  oubli:  mesmes  vous  en  ferez  vos  franges  et  ornemens.  An  lieu  que  les  autres  ont  des  dorures  qui  ne  servent  qu'a  orgueil  et  a  mondanite,  vous  aurez  vos  robes  parees  de  quelques  sentences  de  ma  Loy,  afin  qu'il  vous  souvienne:  Voici  mon  Dieu  qui  veut  que  ie  me  delecte  en  sa  Loy,  et  que  i'y  prenne  tout  mon  plaisir,  et  que  i'en  soye  orne.  Quant  a  ma  vie,  ie  monstreray  que  i'ay  este  enseigne  en  son  eschole:  et  quand  il  s'est  ainsi  uni  a  moy,  que  sa  louange  reluise  devant  les  hommes,  afin  qu'on  cognoisse  que  ce  n'est  point  en  vain  que  i'ay  este  circoncis,  que  i'ay  receu  le  signe  de  l'alliance,  pour  estre  conioint  a  l'Eglise  de  Dieu.  Suyvant  cela  il  est  maintenant  dit,  que  les  Iuifs  facent  aussi  aux  quatre  pans  de  leurs  robes  des  franges,  et  qu'ils  y  mettent  les  chordons.  Or  i'ay  dit  qu'en  petite  chose  nostre  Seigneur  a  voulu  donner  un  enseignement  grand  et  utile.  Car  quand  les  Iuifs  serroyent  ainsi  les  pans  de  leurs  robes,  qui  estoyent  faites  a  autre  facon  que  nous  n'avons  point:  ils  estoyent  admonnestez  que  Dieu  les  reigloit  la,  comme  s'ils  eussent  eu  les  iambes  liees,  pour  dire:  En  cheminant  il  faut  que  tu  tiennes  la  voye  de  ton  Dieu,  et  que  tu  sois  tellement  compasse  en  toute  ta  vie,  que  tu  n'outrepasses  point  mesure.  Il  est  vray  que  cela  pouvoit  servir  a  honnestete,  d'avoir  ces  chordons,  ou  rubans,