27:39  39  SERMON  LXXI.  40  la  Loy  de  Dieu,  ils  voyent,  helas  !  encores  que  ie  travaille  ici  tant  et  plus,  ie  n'en  puis  venir  a  bout,  ie  demeureray  tousiours  en  mi  chemin:  qui  plus  est,  i'auray  beau  m'efforcer,  que  si  mon  Dieu  n'a  pitie  de  moy  pour  me  donner  la  force,  et  la  vertu,  i'iray  tout  au  rebours,  et  a  l'opposite  de  sa  volonte.  Or  les  Papistes  n'ont  point  regarde  a  cela:  mais  ils  ont  forge  des  bagages  pour  servir  a  Dieu,  comme  de  porter  des  chandelles  a  des  marmousets,  d'aller  en  pelerinage,  d'ouir  une  messe,  prendre  un  asperges  d'eau  benite,  et  tous  ces  autres  menus  fatras.  Or  ceux  qui  cognoissent  que  c'est  de  garder  la  Loy,  ils  ne  s'amusent  point  a  ces  ieux  de  petits  enfans.  Mais  quand  le  monde  ne  cognoist  point  que  c'est  de  vrayement  servir  a  Dieu,  alors  il  s'esgare  et  ca  et  la.  Ainsi  retenons  que  nostre  Seigneur  a  ici  deffini  quel  est  son  vray  service,  et  qui  luy  est  agreable,  et  qu'il  approuve,  c'est  assavoir,  qu'on  suyve  ses  commandemens,  et  que  les  hommes  ne  se  gouvernent  point  a  leur  poste  ni  a  leur  appettit:  mais  qu'ils  ayent  sa  parolle,  laquelle  les  tienne  comme  bridez  et  captifs,  et  qu'ils  n'atten  tent  rien  sinon  ce  qu'ils  cognoissent  estre  plaisant  a  leur  Dieu.  Voila  en  somme  ce  que  nous  avons  a  retenir  en  ce  passage.  Or  il  y  a  pour  la  fin,  que  Moyse  propose  ces  commandemens  ici  pour  le  Uen  du  peuple.  Quand  il  dit  qu'il  les  propose,  c'est  afin  d'oster  toute  excuse  d'ignorance,  et  aussi  d'abbattre  ceste  folle  curiosite  des  hommes  qui  voudroyent  monter  par  dessus  les  nues,  pour  savoir  la  volonte  de  Dieu.  Voici  donc  nostre  Dieu  qui  nous  rend  inexcusables,  quand  il  nous  envoye  sa  parolle,  qu'il  commande  qu'elle  nous  soit  preschee:  se  sauroit-il  rendre  plus  familier  a  nous,  que  quand  il  envoye  des  hommes  mortels,  qu'il  les  constitue  ses  messagers,  qui  parlent  a  nous  en  son  nom,  et  que  nous  cognoissons  sa  volonte  par  leur  moyen?  Quand  donc  nous  dirons  que  nous  ne  savons  quelle  est  la  volonte  de  Dieu,  voici  pour  nous  rembarrer,  c'est  assavoir  que  Dieu  nous  a  donne  sa  parolle  par  escrit,  qu'il  ne  nous  la  faut  point  cercher  loin,  et  qu'elle  nous  doit  estre  assez  cogneue.  Mais  apprenons  aussi  de  la  recevoir  en  reverence  et  humilite:  que  quand  nous  oyons  des  hommes  mortels  qui  parlent  a  nous,  sachons  qu'il  ne  nous  faut  point  estimer  selon  leurs  personnes,  la  maieste  de  la  parolle  de  Dieu:  mais  il  nous  faut  regarder  a  celuy  dont  elle  procede,  et  qui  en  est  l'autheur,  afin  de  nous  y  assuiettir  pleinement.  Que  donc  nous  n'ayons  point  ces  phantasies  diaboliques  qu'ont  aucuns  resveurs,  pour  dire  :  O  i  ie  voudroye  que  Dieu  parlast  a  moy  du  ciel,  ie  voudroye  avoir  quelque  revelation.  Oontentons-nous  que  Dieu  descende  ici  bas,  afin  que  sa  volonte  nous  soit  tout  privement  cogneue,  et  c'est  ce  que  Moyse  a  entendu,  allegant  qu'il  proposoit  les  commandemens  de  Dieu.  Comme  s'il