26:39  39  SERMON  XIV.  40  est  une  commission  de  paix,  qu'il  nous  pousse  afin  que  nous  soyons  conioints  et  unis  a  luy,  pour  le  pouvoir  invoquer,  et  nous  reposer  en  sa  bonte.  Et  par  ce  moyen  aussi  ceste  parolle  nous  doit  estre  salutaire,  voire  si  nous  la  pouvons  recevoir  comme  il  appartient,  ainsi  que  S.  Paul  en  traitte  au  premier  des  Romains.  Et  pourtant  il  faut  que  les  ministres  d'icelle  ayent  ce  regard-la:  Voici  Dieu  m'envoye:  et  que  me  met-il  en  la  bouche?  Que  ie  presente  la  paix  a  tout  le  monde:  que  les  plus  meschans  mesmes  soyent  participans  d'un  tel  message,  et  qu'ils  cognoissent  que  Dieu  les  cerche.  Or  cependant  nous  savons  que  ce  message  ne  peut  pas  profiter  a  tous.  Que  faut-il  faire?  Que  les  hommes  soyent  rendus  inexcusables.  Car  que  pourroit-on  dire,  si  Dieu  du  premier  coup  traittoit  les  hommes  comme  ils  l'ont  merite?  Nous  sommes  tous  damnez  de  nature,  nous  apportons  du  ventre  de  nostre  mere  un  tel  heritage  de  malediction,  que  Dieu  nous  peut  abysmer  du  premier  coup,  sans  plaider  en  facon  que  ce  soit.  Or  pource  qu'il  semble  qu'il  y  ait  beaucoup  de  povres  gens  qui  ne  perissent  que  par  simplicite:  pour  ceste  cause  Dieu  veut  convaincre  le  monde,  afin  d'oster  tout  subterfuge.  Quand  l'Evangile  se  publie,  on  voit  que  ceux  qu'on  a  cuide  estre  de  bonne  affection,  se  desbordent,  et  leur  malice  est  descouverte  et  manifestee,  laquelle  auparavant  estoit  cachee.  On  voit  combien  peu  se  veulent  renger  pour  recevoir  le  ioug  sur  le  col:  mais  qui  pis  est,  on  voit  qu'ils  se  rendent  ennemis,  tellement  qu'on  ne  les  peut  matter  par  admonitions:  ou  bien  ils  sont  si  farrousches,  qu'on  ne  sait  de  quel  coste  les  prendre.  Quand  donc  Dieu  aura  ainsi  envoye  message  de  paix  aux  hommes,  et  que  de  leur  coste  ils  demandent  la  guerre,  et  la  cerchent,  et  d'autant  qu'ils  ne  se  peuvent  renger  et  apprivoiser  a  Dieu,  mais  qu'ils  luy  veulent  estre  ennemis  :  nous  voyons  qu'il  n'est  pas  inutile  que  l'Evangile  se  presche  a  ceux  qui  sont  du  tout  desesperez.  Et  pourquoy?  Car  leur  malice  eust  este  incogneue,  et  la  iustice  de  Dieu  ne  seroit  pas  si  patente,  et  n'auroit  pas  un  tel  lustre  comme  elle  ha,  quand  les  meschans  ne  sont  point  convertis,  et  qu'on  ne  les  a  peu  matter  en  facon  que  ce  fust.  Or  la  dessus,  qu'avons-nous  a  faire?  ceste  doctrine  n'appartient  pas  seulement  a  ceux  qui  sont  ministres  de  la  parolle  de  Dieu,  pour  leur  faire  poursuyvre  leur  vocation,  afin  qu'ils  ferment  les  yeux  quand  il  sera  question  d'obeir  a  Dieu,  et  qu'ils  poursuyvent  d'annoncer  sa  parolle,  combien  qu'elle  soit  convertie  en  usage  mauvais,  et  tout  au  rebours  de  l'intention  de  Dieu:  mais  en  general  nous  sommes  tous  admonnestez,  que  comme  il  nous  faut  recevoir  le  message  que  Dieu  nous  envoye,  puis  qu'il  se  monstre  si  benin  envers  nous,  qu'au  lieu  de  nous  estre  ennemi,  comme  il  le  peut  a  bon  droit  et  a