23:39  39  COMMENTARIUS  IN  GENESIN.  40  capite,  in  sermone  inclusam  fuisse  rerum  omnium  vitam:  praesertim  vero  hominum,  quae  cum  ratione  et  intelligentia  coniuncta  est.  Quare  hoc  signo  admonitus  fuit  Adam,  nihil  sibi  quasi  proprium  vindicare,  ut  totus  a  filio  Dei  penderet,  nec  alibi  quam  in  ipso  vitam  quaereret.  Quod  si  ille  vitam,  quo  tempore  incolumem  possidebat,  nonnisi  in  Dei  sermone  repositam  habuit,  nec  aliter  servare  potuit  quam  si  illi  acceptam  ferret:  perditam  recuperare  unde  nos  oportet?  Sciamus  ergo,  ubi  a  Christo  discessimus,  nihil  praeter  mortem  nobis  restare.  Scio  alios  quosdam  ad  vitam  corporalem  restringere.  Vim  corporis  vegetandi  in  arbore  fuisse  putant,  ut  aetate  nunquam  languesceret:  sed  eos  omittere  dico  quod  praecipuum  est  in  vita,  nempe  intelligentiae  gratiam:  semper  enim  videndum  quorsum  conditus  fuerit  homo,  et  quaenam  illi  fuerit  vivendi  ratio.  Certe  eius  vivere  non  fuit  habere  duntaxat  corpus  floridum  ac  vegetum,  sed  animae  quoque  dotibus  excellere.  De  arbore  vero  scientiae  boni  et  mali  sic  habendum  est,  non  fuisse  ab  ea  prohibitum  hominem,  quod  Deus  eum,  pecudis  instar,  vagari  sine  iudicio  et  rerum  delectu  vellet:  sed  ne  plus  sapere  appeteret  quam  decebat,  et  ne  proprio  sensu  confisus,  excusso  Dei  iugo,  arbitrum  se  boni  et  mali,  ac  iudicem  constitueret.  Peccatum  eius  ex  mala  conscientia  processit  :  unde  sequitur,  datum  illi  fuisse  iudicium,  quo  inter  virtutes  et  vitia  discerneret.  Nec  vero  aliter  staret  quod  ante  retulit  Moses,  creatum  ad  imaginem  Dei  fuisse:  quandoquidem  imago  Dei  sub  se  eius  notitiam  complectitur  qui  summum  bonum  est.  Bis  ergo  insaniunt  Libertini,  portenta  hominum,  qui  restitui  nos  fingunt  in  statum  innocentiae,  si  quisque  sua  libidine  absque  iudicio  feratur.  Iam  tenemus  quid  sibi  voluerit  abstinentia  ab  arbore  boni  et  mali:  ne  scilicet  Adam  hoc  vel  illud  tentando  suae  prudentiae  periculum  faceret:  sed  uni  Deo  addictus,  saperet  tantum  ex  eius  obsequio.  Itaque  scientia  in  malam  partem  abusive  pro  misero  experimento  capitur,  quod  homo  a  fonte  unico  perfectae  sapientiae  discedens  acquirere  sibi  coepit.  Atque  haec  origo  est  liberi  arbitrii,  dum  Adam  per  se  esse  voluit,  et  quid  valeret  tentare  ausus  est.  10��  Et  fluvius  egrediebatur.  Dicit  Moses  fluvium  unum  ad  hortum  irrigandum  fluxisse,  qui  deinde  in  quatuor  capita  se  divideret.  Duo  ex  capitibus  esse  Euphratem  et  Tigrim  satis  inter  omnes  convenit,  nemo  enim  litem  movet  quin  bp*vr\  sit  Tigris.  De  aliis  duobus  magna  est  controversia.  Multi  Pison  et  Gihon,  Gangen  et  Nilum  fuisse  putant:  quorum  tamen  error  abunde  ex  locorum  distantia  refellitur.  Neque  desunt  qui  usque  ad  Danubium  transvolent.  Quasi  vero  unius  hominis  habitatio  ab  ultima  Asia  usque  ad  finem  Europae  se  protendat.  Sed  quum  plerique  alii  fluvii  celebres  illam  regionem  praeter-