21:39  39  VIE  DE  CALIN  ie  leur  diray  ce  qui  est  vray,  c'est  qu'il  n'y  eut  iamais  republique  bien  policee  en  laquelle  l'adultere  n'ait  este  iuge  digne  de  mort,  et  que  cependant  il  ne  se  trouvera  point  qu'un  simple  adultere  ait  este  puni  en  ceste  cite  de  peine  capitale?  Quant  aux  heretiques,  ou  est,  ie  vous  prie,  ceste  grande  rigueur?  ou  est-ce  que  ce  sanguinaire  a  monstre  un  sanglant  naturel?  Il  y  a  peu  de  villes  de  Suisse  et  d'Allemagne  ou  l'on  n'ait  fait  mourir  des  Anabaptistes  et  a  bon  droict:  ici  on  s'est  contente  de  bannissement.  Bolsec  y  a  blaspheme  contre  la  Providence  de  Dieu:  Sebastian  Chasteillon  y  a  blasonne  les  livres  mesmes  de  la  saincte  Escriture:  Valentin  y  a  blaspheme  contre  l'essence  divine.  Nul  de  ceux-la  n'y  est  mort,  les  deux  ont  este  simplement  bannis,  le  tiers  en  a  este  quitte  pour  une  amende  honorable  a  Dieu  et  a  la  seigneurie.  Ou  est  ceste  cruaute?  Un  seul  Servet  y  a  este  mis  au  feu.  Et  qui  en  fut  iamais  plus  digne  que  ce  malheureux,  ayant  par  l'espace  de  trente  ans  en  tant  et  tant  de  sortes  blaspheme  contre  l'Eternite  du  Fils  de  Dieu,  attribue  le  nom  de  Cerberus  a  la  Trinite  des  trois  personnes  en  une  seule  essence  divine,  aneanti  le  baptesme  des  petis  enfans,  [page  40]  accumule  la  plus  part  de  toutes  les  puantises  que  iamais  Satan  vomit  contre  la  verite  de  Dieu,  seduit  une  infinite  de  personnes,  et  pour  le  comble  de  malediction  n'ayant  iamais  voulu  ni  se  repentir  en  donnant  lieu  a��  verite  par  laquelle  tant  de  fois  il  avoit  este  convaincu,  ni  donner  esperance  de  conversion?  Et  s'il  en  faut  venir  aux  iugemens  des  Eglises,  qui  ne  doit  plustost  approuver  ce  que  les  Eglises  de  toute  l'Allemagne,  et  nommement  Philippes  Melancton,  renomme  pour  sa  douceur,  en  a  non  seulement  dit  mais  aussi  publie  par  escrit  a  la  louange  d'une  telle  et  si  iuste  execution?  Pour  la  fin  de  ce  propos,  ceux  qui  trouvent  un  tel  acte  mauvais  ne  scauroyent  mieux  monstrer  ni  leur  ignorance  en  blasmant  ce  qui  merite  singuliere  louange:  ni  leur  temerite  [fol.  8]  quand  ils  s'en  attachent  a  celuy  qui  n'a  fait  office  que  de  Pasteur  fidele,  advertissant  le  Magistrat  de  son  devoir,  s'efforcent  par  tous  moyens  de  ramener  un  tel  malheureux  a  quel*  que  amendement:  et  finalement  n'oubliant  rien  pour  empescher  qu'une  telle  peste  n'infectast  son  troupeau.  Il  y  en  a  d'autres  qui  l'ont  trouve  par  trop  cholere.  Ie  ne  veux  point  faire  d'un  homme  un  Ange.  Ce  nonobstant  pource  que  ie  scay  combien  Dieu  s'est  merveilleusement  servi  mesmes  de  ceste  vehemence,  ie  ne  doy  taire  [page  41]  ce  qui  en  est  et  ce  que  i'en  scay.  Outre  son  naturel  enclin  de  soy-mesmes  a  colere,  l'esprit  merveilleusement  prompt,  l'indiscretion  de  plusieurs,  la  multitude  et  variete  infinie  d'affaires  pour  l'Eglise  de  Dieu,  et  sur  la  fin  de  sa  vie  les  maladies  grandes  et  ordinaires  l'avoyent  rendu  chagrin  et  difficile.  Mais