16:39  39  EPISTOLAE  2393.2395  40  2393.  BEZA  FARELLO.  Denuo  loquitur  de  ministro  Lutetiam  mittendo,  quo  Enardum  tandem  abire  paratum  esse  magnopere  gaudet,  cui  utilia  transmitti  iubet  consilia.  (Ex  autographo  Neocomensi.  Edidit  Baum  I.  454.)  Eximio  Christi  servo  Gulielmo  Farello  patri  mihi  observandissimo  et  Neocomensis  ecclesiae  fidelissimo  pastori.  Neocomi.  S.  Vere  benedictus  pater  noster  coelestis,  vere  benignus  in  nos  et  liberalis  Iesus  ille  Christus,  vita  et  salus  fuerunt,  qui  nos  miseros  et  omnium  hominum  indignissimos,  non  modo  dignatus  est  sui  cognitione,  sed  etiam  vult  habere  pro  instrumentis  quibus  utatur  ad  refringendas  Satanae  et  inferorum  portas,  ut  aliis  quoque  aditus  ad  coeleste  regnum  patefiat.  Sed  o  nos  et  segnes  et  pigros  atque  adeo  perfidiosos!  Certe  pudet  me  nostri.  Hic  ubi  tam  diu,  tam  multi,  tam  liberaliter  et  tam  quiete  in  schola  Domini  habiti  tractati  educati  sumus,  toto  paene  trimestri  non  reperiri  potuisse  qui  ad  tam  copiosam  messem  metendam,  non  dico  se  offerret,  sed  etiam  rogatus  prodiret!  Genevae  quoque  tentata  sunt  omnia,  sed  ut  nonnulli  parati  fuerint  tamen  Dominus  aliquam  moram  iniecit.l)  Nuper  etiam  istic  vidisti  quomodo  consilia  nostra  fuerint  impedita.  Quin  Satan  hic  partes  suas  interposuerit  non  dubito,  ut  est  versutus  ille  hostis  longe  diligentissimus  in  consiliis  fidelium  impediendis.  Nunc  quoque  non  dubito  quin  idem  ille  Satan  bonos  illos  et  strenuos  milites  suos  Caes.  et  Uen.  ad  inducias  coegerit,  ut  ruenti  suo  regno  prospiciat,  et  potissimum,  si  fieri  potest,  Parisiensis  ecclesiae  fundamenta  evertat.  Sed  vivit  Dominus  qui  habitat  in  coelis,  qui  utinam  longiorem  nostram  moram  nobis  ignoscat  et  bonos  nostros  fratres  confirmet,  qui  in  ipsis  leonis  faucibus  habitantes  multo  praeclarius  facinus  audent  quam  nos,  qui  hic  sub  umbra  sine  sudore  et  sanguine  quasi  imaginariam  militiam  obimus.  Confirmet  quoque  Dominus  et  spiritu  suo  regat  optimum  nostrum  fratrem  Enardum,2)  cuius  alacritatem  spero  ut  idem  adiuvet  qui  suppeditavit.  Nostro  certe  Vireto,  et  aliis  paucis  qui  hic  sumus  istius  consilii  participes,  mirifice  grata  fuit  ipsius  promptitudo  de  qua  ad  nos  scripsisti,s)  neque  dubitamus  quin  hunc  potissimum  Dominus  ad  hoc  opus  insigne  2393.1)  Plura  nescimus.  2)  N.  2391.  3)  vel  de  eadem  epistola  loquitur  quanquam  ad  Calvinum  scripta^  vel  de  alia  deperdita.