11:39  EPISTOLAE  218.219  linguam  nec  germanicam  tenet,  visum  est  illis  gallice  scriptam  mittere.  Mitto  autem  ea  lege  ne  palam  abs  te  evulgetur.  Duo  tantum  exemplaria  praeter  hoc  quod  accipies  descripta  sunt,  quorum  alterum  ad  Caesarem  perferetur,  alterum  D.  Ulrichus  Solodurum  tulit  ut  per  legati  manus  ad  Eegem  perveniat.  Velim  igitur  ut  cum  paucis  communices:  describi  vero  ne  ullo  modo  sinas,  te  summopere  obtestor.  Hic  porro  omnium  animus  est:  si  lacessantur,  statim  obviam  eundum  esse,  nec  exspectarent  nisi  conscientia  sua  impedirentur.  Nemo  enim  est  qui  non  sit  paratissimus  ad  omnia  pericula  subeunda  potius  quam  ut  via  Christo  praecludatur:  tantum  abest  ut  ferre  velint  quidquam  ei  adimi.  Senatus  hic  misso  legato  repudiavit  iudicium  camerae.  Si  pergant  cum  suis  illis  inanibus  terriculamentis,  magnos  motus  excitabunt.  Adhuc  pendent  controversiae  inter  Caesarem  et  Begem.  7)  Ea  est  causa  quae  Caesarem  moratur  ne  protinus  in  nos  impressionem  faciat.  Papistae  sane  strenue  moliuntur,  eum  aliis  omnibus  negotiis  explicare,  quo  se  ad  nos  impetendos  accingat.  Praecipue  autem  JBrunsvicensis,  qui  Gueldrum  nuper  ad  eum  perduxit,  quo  de  illo  ducatu  paciscantur.  Nostros  autem  adeo  virium  suarum  non  poenitet,  ut  minime  istis  machinamentis  terreantur.  Tres  electores  medii  erunt,  Palatinus,  Coloniensis,  Trevirensis^  ac  potius  se  nobis  adiungent  quam  passuri  sint  nos  opprimi.  Duos  habemus  ex  professo  nostros.  Federicus  optabat  per  nostros  aliquid  a  Dano  obtinere:  non  potuit,  quod  aequum  esse  Landgravius  quoque  iudicabat.  Sic  cogitur  fovere  Caesaris  amicitiam.  Vides  quanti  sit  Christus  ubi  animum  hominis  mundus  hic  occupavit.  In  Anglia  nunc  comitia  habentur.  Nunciatur  nobis  piorum  omnium  animos  optima  spe  erectos  esse.  Si  Dominus  Begi  nunc  adspiret  stabilietur  illic  evangelium.  Donec  aliquam  inclinationem  audierimus,  frustra  agitaremus  de  Caleto.  Res  meae8)  eodem  loco  sunt  quo  prius.  Nuncius  noster  hic  ante  septem  dies  adfuturus  est  nisi  fefellerit.  Ergo  Iacobum  retinui  ut  si  quid  erit  possit  in  tempore  tibi  nunciare.  Quanquam,  ut  iam  apud  se  statuerat,  non  diu  morabor  eius  profectionem.  Paulo  enim  post  festum  pentecostes  eum  dimittam.  Ipse  triduo  ante  viam  corripere  in  animo  habebat.  Quod  de  literis  Vireti  rogas,  non  aliud  possum  tibi  respondere  quam  Capitoni  semper  videri,  et  Viretum  et  vos  omnes  morosius  quam  par  sit  vel  certe  scrupulosius  hanc  causam  persequi.  Quando  illud  semper  polliciti  sunt,  se  non  commissuros  ut  aditum  istuc  illi  patefaciant:  quin  potius  impedimenta  omma  obiecturos  quibus  viam  praecludant.  Minimo  tamen  offensus  fuit  :  si  tamen  7)  de  ducatu  Mediolanensi,  8)  matrimoniales.