10.1:39  ORDONNAJPIOES.  Du  terme  d'accomplir  le  mariage  apres  la  promesse  faicte.  Apres  la  promesse  faicte,  que  le  mariage  ne  soit  point  differo  plus  de  six  sepmaines,  aultrement  qu'on  appelle  les  parties  au  consistoire  pour  les  admonester:  s'ils  n'obeissent,  qu'ils  soyent  renvoyez  par  devant  le  Conseil,  pour  estre  contrainctz  a  le  celebrer.1)  Des  annonces  et  dependances  d'icelles.  Que  les  annonces  soyent  publiees  par  trois  dimench.  es  en  l'esglise  devant  que  faire  le  mariage,  ayant  premierement  la  signature  du  premier  syndique  pour  attestation  de  cognoissance  des  parties,  tellement  neantmoins  que  le  mariage  puisse  estre  fait  a  la  troisieme  publication.  Et  s'il  y  a  Tune  des  parties  qui  soit  d'aultre  paroisse,  qu'on  ayt  aussy  bien  attestation  du  di  et  lieu.  Que  s'il  se  faisoit  quelque  opposition,  le  ministre  remette  l'opposant  par  devant  le  Consistoire  au  premier  iour,  et  l'admoneste  d'y  faire  citer  sa  partie.  Toutesfois,  que  nul  ne  soit  receu  a  opposition  sinon  estant  de  la  ville  ou  autrement  cogneu,  ou  ayant  quelcun  de  cognoissance  avec  soy,  et  cc  pour  eviter  que  quelque  avole  ou  vacabont2)  ne  face  vitupere  ou  dommage  a  quelque  fille  honneste,  ou  du  contraire.  Que  si  l'opposant  ne  se  trouvoit  au  iour  qu'il  auroit  este  remis,  qu'on  procede  aux  annonces  et  au  mariage,  comme  s'il  n'y  estoit  intervenu  nul  empeschement.  Pour  eviter  toutes  fraudes  qui  se  commettent  en  cest  endroict,  que  nul  estranger  venans  de  pays  loingtain  ne  soit  admis  a  mariage,  sinon  qu'il  ayt  bon  et  certain  tesmoignage  ou  de  lettres  ou  par  gens  de  bien  et  dignes  de  foy  qu'il  n'est  point  marie  ailleurs,  et  mesme  de  sa  bonne  et  honneste  conversation.  Que  le  semblable  s'observe3)  envers  les  filles  ou  les  femmes.  Que  durant  les  fiancealles4)  les  parties  n'habitent  point  ensembles  comme  mary  et  femme,  iusque  a  ce  que  le  mariage  ayt  este  beneit  en  l'esglise  a  la  facon  des  Chrestiens.  S'il  s'en  trouve  aucuns  qui  ayent  fait  du  contraire,  qu'ilz  soyent  punis  par  prison  de  trois  iours  au  pain  et  a  l'eau  et  appelles  au  Consistoire  pour  leur  remonstrer  leur  faulte.  De  la  celebration  du  mariage.  Que  les  parties  au  temps  qu'ilz  doyvent  estre  1)  Les  memes  copies  contiennent  ici  plusieurs  additions  sur  les  opposition^  au  mariage.  2)  ou  vacabont,  addition  d'une  autre  main.  Les  deux  textes  potteneurs  ont  simplement:  pour  eviter  que  quelqu'autre  ne  face  etc  De  meme  ils  lisent:  ou  ayant  quelcun  le  cognoissant  avec  soy.  3)  Ibid.  soit  faict.  4)  fiancailles,  ibid.  Get  article  se  trouve  de  nouveau  dans  le  chap.  des  annonces,  dans  ces  copies*