9:389  389  VALENTINI  GENTILIS.  390  [pag.  47]  Ea  in  conventu  !)  proposita  fuit  ut  liberum  singulis  esset  in  medium  contra  proferre,  si  quid  reprehensione  dignum  censerent.  Itaque  protervi  homines2)  impune  tribus  circiter  horis  linguas  suas  blaterando  exercuerunt:  inter  quos  princeps  fuit  Ioannes  quidam  Paulus  Alciatus,  homo  non  stolidi  tantum  ac  vesani  ingenii,  sed  plane  phreneticus  ad  rabiem  usque.  Tantum  illis  licentiae  fuit  concessum,  ne  postea  obstreperent,  sibi  ius  loquendi  fuisse  ademptum.  Sedata  omni  contentione,  nulli  fuit  vel  controversia  vel  mora  quin  omnes  subscriberent,  sex  duntaxat  exceptis,  quorum  unus  erat  Valentinus:  qui  tamen  vocati,  manu  sua  testati  sunt  consensum.  Hoc  modo  qui  ecclesiae  tranquillitati  studebant,  putarunt  obviam  itum  fuisse  malo,  ne  longius  serperet.  Ecce  paulo  post  Valentinus,  spreto  iureiurando,  suos  susurros  in  obscuris  angulis  spargere,  et  tentare  simplices  ac  imperitos,  an  quos  irretire  suis  insidiis  posset.  Re  perspecta  Senatus  cognitionem  suscepit:  ac  statim  multorum  testimoniis  periurii  convictus,  quia  tergiversando  locus  non  erat,  causari  coepit  conscientiae  stimulis  se  fuisse  impulsum.  Auditus  est  in  splendido  gravium  et  doctorum  hominum  coetu.  Quum  eius  obiecta  refelleremus,  uno  effugio  usus  est,  se  disputandi  artificium  non  tenere.  Ita  rationibus  eum  urgere  ac  premere  nihil  profuit.  Postea  [pag.  48]  farraginem,  quam  diu  meditatus  fuerat,  scriptam  obtulit  Senatui:  cuius  exemplar  subiecimus.  CONFESSIO  VALENTINI  GENTILIS  ILLUSTRISSIMIS  DOMINIS  GENEBENSIBUS  OBLATA.  Fateor  unicum  illum  Deum  Israel,  quem  sacrae  literae  nobis  proponunt,  solum  verum  Deum,  et  quem  ventosi  sophistae  negant  habere  filium,  esse  patrem  Domini  nostri  Iesu  Christi:  ipsumque  Iesum  Christum  quem  ille  misit,  quatenus  est  verbum,  esse  verum  ac  naturalem  filium  illius  unici  Dei  patris  omnipotentis.  Haec  est  summa  sententiae  meae  in  articulo  de  aeterna  generatione  filii  Dei:  et  doctrinae  Genebensis  ecclesiae  penitus  subscribo.  ALTERA  CONFESSIO  EIUSDEM,  IUSSU  ILLUSTRIUM  DOMINORUM  EXARATA.  Equidem  censeo  primam  personam  patris  in  unica  essentia  esse  sophisticam,  atque  ideo  hoc  sensu  a  mysterio  trinitatis  penitus  expungendam.  Nam  si  pater  1)  des  Italiens.  2)  certains  orgueilleux  et  outrecuidez.