7:389  389  CUM  ANTIDOTO.  390  personas:  ut  tres  Antichristi  legatos  dicas,  tres  esse  illos  intercessores,  de  quibus  loquitur  Ezechiel,!)  qui  ad  iram  Dei  placandam,  primi  omnium  se  opponant.  Commemorant  humilem  peccatorum  confessionem:  commemorant  gemitus  et  lacrymas,  poenitentiae  signa.  Vix  a  risu  abstinuisse  puto,  quum  lector  ab  ipsis  subornatus  haec  recitaret.  Quanquam  dum  histriones  agere  volunt,  vox  illis  una  interim  excidit,  quae  mihi  instar  vaticinii  coelestis  videtur  habenda.  Quid  enim  prohibet,  quominus,  ut  olim  Caiphas,  ita  nunc  quoque  prophetent  Christi  hostes?  Spiritum  sanctum  sibi  non  adesse  affirmant,  nisi  se  ipsi  accusent:  negant  etiam  adfuturum,  quamdiu  recusabunt  peccata  sua  audire.  Oraculum  accipio.  Mentiuntur  quidem  postea,  se  fletus  videre,  ut  conventum  suum  ornent.  Sed  quum  res  ipsa  clamet,  obstinatos  sedere  ad  stabiliendum  impietatis  regnum,  credamus  eorum  vaticinio  nihil  minus,  quam  a  spiritu  Dei  ipsos  gubernari.2)  Et  quis  non  videat  areano  [pag.  49]  Dei  impulsu,  quasi  adhibita  quaestione,  coactos  fuisse  praeter  animi  sui  affectum  ad  hanc  confessionem?  Testis  ab  ipsis  advocatur  Ezechiel:  qui  Deum  responsa  daturum  negat  populo,  nisi  suas  patrumque  suorum  abominationes  prius  agnoverint.  Ubi  talis  apud  ipsos  agnitio?  Sileant  igitur:  aut  fateantur  se  temere  cerebri  sui  figmenta  proferre.  Quod  si  nondum  hoc  omnibus  persuadeo:  meminerint  saltem  lectores,  quum  ad  ipsam  rerum  tractationem  ventum  erit,  iudicium  ex  ipsa  veritate  faciendum  esse,  an  a  spiritus  sancti  afflatu  prodierint  ipsorum  decreta.  Antehac  responsa  Dei,  sine  exceptione,  esse  iactabant,  quaecunque  synodo  placuissent:  nunc  vero  hanc  illis  vocem,  tanquam  maleficis  in  equuleo,  Deus  extorsit:  hac  nota  discerni  oportere,  numquid  suae  synodo  praesideat  Dei  spiritus,  si  suis  patrumque  abominationibus  damnatis  ad  veram  resipiscentiam  conversi  fuerint.  Quisquis  sponte  falli  non  volet,  ad  hanc  regulam  examinet  quae  postea  sequentur  decreta.  Nisi  luce  clarius  ostendero,  nihilo  plus  in  illis  fuisse  resipiscentiae,  quam  in  Israelitarum  pessimis,  habeant  sane  quod  postulant,  Dei  non  hominum  esse  vocem.  Ergo,  ut  libet,  cum  Esra,  Nehemia  et  reliquis  populi  veteris  ducibus  suam  catervam  conferant  :3)  sua  et  populi  peccata,  cum  spiritu  moeroris,  [pag.  50]  se  satis  abunde  deflere  per  os  lectoris  dicant:  sit,  inquam,  illis  impunita  haec  licentia,  ut  sanctis  Dei  ministris  tam  atrocem  contumeliam  inurant,  illos  cum  impuro  porcorum  grege  comparando:  et  siccis  oculis,  lacrymas  suas  impudenter  iactent:  quid  enim  1)  assavoir  Noe,  Daniel  et  Iob  {Ezech.  14,  14).  2)  que  le  sainct  Esprit  est  bien  esloigne  de  leur  .synagogue.  3)  qu'ilz  se  paragonnent  tant  qu'ilz  voudront,  eux  et  leurs  bandes,  avec  Esdras  etc.