55:389  389  CAPUT  I.  390  Ideo  dicit  frater,  significans  non  ante  locum  esse  huic  doctrinae,  quam  dum  asciti  in  ordinem  filiorum  Dei  sumus.  Tametsi  recepta  est  lectio  ev  xouc  TOptiocic:  tamen  Erasmo  assentior,  potius  legendum  esse  nopioac  absque  diphthongo,  in  opibus,  vel  cum  opibus:  quod  posterius  mihi  magis  placet.  12.  Beatus  vir  qui  suffert  tentationem:  quoniam  quum  probatus  fuerit,  accipiet  coronam  vitae,  quam  promisit  Deus  diligentibus  ipsum.  13.  Nemo  quum  tentatur,  dicat,  a  Deo  tentor.  Deus  enim  nec  tentari  malis  potest,  nec  quemquam  tentat  14.  Sed  unusquisque  tentatur,  dum  a  sua  concupiscentia  abstrahitur  et  inescatur.  15.  Postquam  autem  concupiscentia  concepit,  parit  peccatum:  peccatum  vero  perfectum,  generat  mortem.  12.  Beatus  vir.  Postquam  adhibita  consolatione,  temperavit  eorum  dolorem  qui  duriter  tractantur  in  hoc  mundo,  et  rursum  humiliavit  magnorum  supercilia  :  nunc  concludit  beatos  esse  qui  aerumnas  et  alias  tentationes  magno  animo  perferunt,  ita  ut  superiores  emergant.  Posset  quidem  nomen  tentationis  aliter  accipi,  nempe  pro  cupiditatum  aculeis  qui  intus  animum  pungunt:  sed  existimo  fortitudinem  in  perferendis  rebus  adversis  hic  laudari.  Ut  sit  paradoxum,  non  esse  beatos,  ut  vulgo  putantur,  quibus  ex  voto  omnia  proveniunt:  sed  qui  malis  non  vincuntur.  Quoniam  quum  probatus.  Rationem  reddit  superioris  sententiae:  nam  corona  sequitur  certamen.  Ergo  si  summa  beatitudo  est,  in  regno  Dei  coronari  :  sequitur,  certamina,  quibus  nos  Dominus  exercet,  adiumenta  esse  nostrae  felicitatis.  Ita  argumentum  est  a  fine,  vel  ab  effectu:  unde  colligimus,  ideo  tot  malis  vexari  fideles,  ut  manifesta  fiat  eorum  pietas  et  obedientia:  sicque  demum  ad  recipiendam  vitae  coronam  praeparari.  Caeterum  perperam  ratiocinantur  qui  inde  inferunt,  nos  coronam  pugnando  mereri.  Nam  quum  eam  gratuito  nobis  Deus  destinaverit,  tantum  ad  eam  recipiendam  nos  aptat.  Nam  quod  subiicit,  promissam  esse  iis  qui  Deum  diligunt:  ita  loquendo,  non  asserit  dilectionem  hominis  esse  causam  (praevenit  enim  nos  Deus  suo  erga  nos  amore),  sed  tantum  significat,  eos  demum  approbari  Dei  electos,  qui  ipsum  diligunt.  Interea  admonet,  victores  omnium  tentationum  fore  qui  Deum  amant:  nec  alia  de  causa  nos  animo  defici  quum  tentamur,  nisi  quia  praevalet  mundi  amor  in  nobis.  13.  Nemo  quum  tentatur.  Hic  vero  non  dubium  est  quin  de  alio  tentationis  genere  disserat.  Plus  satis  notum  est,  tentationes  omnes  externas,  quarum  hactenus  facta  est  mentio,  nobis  a  Deo  immitti.  Hoc  sensu  tentavit  Deus  Abraham,  et  quotidie  nos  tentat:  hoc  est,  experitur  quales  simus,  obiecta