54:389  289  SUR  L'EPITRE  A  TITE.  390  d'ouvrir  les  yeux,  et  de  venir  a  l'escole  pour  estre  disciples  de  celuy  qui  se  nomme  Maistre  et  Docteur  establi  de  Dieu  son  Pere.  Car  si  Iesus  Christ  nous  a  enseignez,  notons  que  nous  pourrons  bien  protester  d'estre  des  siens,  voire  quand  de  nostre  coste  nous  recevrons  ce  qui  nous  est  monstre  en  son  nom,  et  ce  qui  est  procede  de  luy.  Car  ce  n'est  point  assez  d'en  avoir  quelque  opinion,  comme  nous  voyons  que  beaucoup  de  ceux  qui  s'appellent  fideles,  encore  qu'ils  ayent  cognu  ie  ne  scay  quoy  de  l'Evangile  (ce  leur  semble),  si  est-ce  qu'ils  n'en  ont  nulle  certitude:  mais  pour  en  estre  bien  persuadez  et  resolus,  ii  s'en  trouve  bien  peu.  Et  neantmoins  sainct  Paul  a  voulu  ici  notamment  discerner  la  foy  d'avec  toute  incertitude,  que  nous  n'ayons  point  uu  cuider  volage,  pour  dire,  Ie  pense  qu'ainsi  soit:  mais  que  nous  soyons  asseurez:  comme  sainct  Iehan  dit  que  nous  scavons  que  nous  sommes  enfans  de  Dieu.  Ce  croire  donc  qui  se  rapporte  a  l'Evangile,  n'est  pas  tel  comme  nous  le  prenons  en  langage  commun:  comme  quand  nous  dirons,  Et  ie  le  croy:  car  ie  n'en  scay  rien,  et  ie  ne  m'en  veux  point  enquerir:  mais  ceste  persuasion  constante  et  ferme  que  nous  concevons  (comme  sainct  Iehan  dit  en  l'autre  passage)  et  recevons  tout  ce  qui  nous  est  prononce  au  nom  de  Dieu:  comme  si  nous  estions  tesmoins  de  quelque  instrument,  et  que  nous  missions  la  nostre  signature.  Voila  ce  que  Dieu  demande  de  nous,  et  comme  aussi  nous  le  devons  honorer,  pour  confesser  qu'il  est  fidele  en  toute  sa  doctrine,  et  qu'il  a  une  verite  infallible,  qui  iamais  ne  nous  peut  frustrer.  Voila  donc  ceste  cognoissance.  Et  aussi  quand  sainct  Paul  parle  de  la  verite,  il  nous  monstre  que  ce  n'est  point  a  fausses  enseignes  que  Dieu  veut  que  nous  soyons  si  bien  persuadez  de  sa  parole.  Et  pourquoy?  Car  ce  n'est  point  une  doctrine  suiette  a  mensonge:  cognoissons  qui  en  est  l'autheur.  Voila  Dieu  qui  est  la  source  de  verite.  Nous  pourra-il  envoyer  donc  quelque  doctrine  douteuse?  Ainsi  donc,  puis  que  nostre  Seigneur  veut  que  nous  soyons  fondez  en  luy,  c'est  bien  raison  que  nous  ayons  ceste  certitude  de  laquelle  parle  ici  sainct  Paul,  que  nous  en  soyons  resolus,  et  que  nous  n'ayons  point  un  cuider  pour  plier  comme