41:389  389  SUR  LE  VI.  CHAP.  DE  DANIEL.  390  Oestoit  une  chose  trop  conneue,  que  Daniel  avoit  accoustume  de  prier  Dieu  trois  fois  le  iour.  Cela  estoit  notoire  a  un  chascun,  s'il  eust  change  coustume  pour  obeir  au  Roy,  cela  estoit  une  espece  de  renoncement  de  Dieu.  Comme  s'il  eust  dit,  il  est  vray  que  iusques  ici  i'ay  prie  le  Dieu  d'Abraham,  mais  puis  que  cela  desplaist  au  Roy  Darius,  il  faut  que  ie  m'en  abstienne.  Il  eust  bien  prie  Dieu  en  secret,  mais  cependant  devant  les  hommes  il  eust  renonce  sa  foy.  Il  eust  donne  un  scandale  tel,  que  les  Iuifs  eussent  perdu  courage,  et  puis  on  se  fut  mocque  de  la  religion.  O!  voici  ces  gens  qui  faisoient  semblant  d'avoir  un  Dieu  separe  de  tous  les  autres,  d'avoir  un  zele  si  ardent  pour  l'adorer,  qu'ils  n'en  eussent  iamais  voulu  decliner.  Or  on  voit  maintenant  quelle  est  leur  religion.  Voila  le  principal,  qui  estoit  comme  le  capitaine  de  tous,  qui  toutesfois  ha  quitte  son  Dieu.  Voila  comme  les  infideles  eussent  fait  leur  triomphe,  si  Daniel  eust  fleschi,  et  qu'il  eust  perdu  courage,  pour  l'edict  du  Roy,  en  delaissant  sa  coutume  de  prier,  comme  nous  avons  dit.  Ainsi  donc  nous  voions  encores  plus  clairement,  comme  il  a  fallu  que  Daniel  usast  de  cette  liberte  ici,  qu'avec  son  oraison  il  fit  quant  et  quant  confession  de  sa  foy.  Car  le  vray  service  de  Dieu  consiste  en  ces  deux  parties,  c'est  que  la  verite  du  coeur  aille  devant,  et  puis  que  devant  les  hommes  nous  protestons  que  nous  avons  un  Dieu,  auquel  nous  voulons  faire  hommage  de  nos  corps,  aussi  bien  que  de  nos  esprits,  au  reste  sachons  que  ce  n'est  point  asses  de  connoistre  ce  que  Daniel  a  fait  en  cest  endroit,  mais  il  faut  que  nous  recueillons  une  admonition  generale  de  cest  exemple,  car  il  n'est  point  ici  amene,  a  fin  que  nous  sachions  qu'elle  a  este  la  coustume  de  Daniel,  mais  plustost  Dieu  nous  declare  en  ce  passage,  c'est  a  scavoir  que  s'il  permet  que  nous  soions  soubs  la  tirannie  des  infideles,  qui  nous  tourmentent,  qui  nous  persecutent  des  tourmens  griefs  et  insuportables,  qu'il  ne  faut  point  que  nous  fleschissions  pour  cela,  que  nostre  vie  ne  nous  doit  pas  estre  tant  precieuse,  que  nous  la  preferions  a  l'honneur  de  Dieu,  quand  il  sera  besoin.  Et  quand  est  ce  qu'il  y  aura  une  telle  necessite?  ce  sera  quand  on  nous  voudra  faire  rendre  raison  de  nostre  foy,  et  faire  confession  dicelle.  Il  faut  que  nous  allions  plustost  a  la  mort,  que  de  quitter  cette  liberte  que  Dieu  demande,  a  scavoir  que  nous  donnions  approbation  et  tesmoignage  de  nostre  foy,  devant  les  hommes.  Voila  ce  que  nous  avons  ici  a  observer  de  l'exemple  de  Daniel,  et  en  cela  voit  on  quelle  moquerie  c'est,  quand  auiourd'hui  beaucoup  de  cour  tisans,  qui  sont  pleins  d'orgueil  et  d'ambition,  se  voudront  neantmoins  excuser  quand  ils  se  contrefont,  et  qu'ils  renoncent  Dieu  en  abusant  de  ces  tesmoignages.  O!  Daniel  n'a  il  pas  bien  vescu  en