32:389  889  PSALMUS  CXL.  390  vocem  attollere,  sed  ex  fide  intus  concepta  proferre  nostras  preces.  Porro  David  ut  penitus  sibi  persuadeat  non  frustra  se  a  Deo  salutem  petere,  sibi  proponit  quae  in  ipsum  Deus  auxilia  ante  contulerat.  Dicit  igitur  sibi  fuisse  instar  clypei  quoties  periclitatus  est.  Vertunt  quidam  in  tempore  futuro,  Operies  caput  meum  in  die  proelii.  Sed  non  dubito  quin  commemoret  David  se  iam  olim  fuisse  protectum  manu  Dei,  fideique  confirmationem  ab  hac  experientia  colligat.  Prodit  enim  non  quasi  novitius  et  rudis  tyro,  sed  miles  variis  certaminibus  probe  exercitatus.  Robur  salutis  tantundem  valet  ac  salus  non  vulgari  fortitudine  allata.  9.  (Ne  permittas.)  Posset  etiam  non  minus  commode  verti,  ne  stabilias,  quanquam  sensus  manebit  idem  :  nempe  ut  Deus,  impiorum  libidinem  fraenando,  quidquid  tentant  et  conantur,  irritum  reddat.  Unde  colligimus,  in  eius  arbitrio  esse,  quoties  visum  est,  prava  hominum  consilia,  spesque  improbas  frustrari,  studia  etiam  frangere.  Itaque  quoties  videmus  non  posse  revocari  hostes  ad  sanam  mentem,  rogandus  est  ut  quas  diu  coxerunt  machinationes,  momento  dissipet  atque  evertat.  In  secundo  membro  maior  est  ambiguitas  :  quia  verbum  p^3  Hebraeis  nunc  impingere  vel  cadere,  nunc  educere  significat,  non  male  convenit  haec  versio,  Ne  perducat  Deus  ad  effectum  quae  impii  consultant.  Sed  probabilis  quoque  eorum  sententia  est,  qui  concise  legunt,  cogitatio  eius,  non  impinges,  ut  mimetice  referat  David  quas  spes  sibi  fabricent  impii.  Et  simili  prop��  forma  alibi  descripsit  eorum  superbiam,  quod  Dei  providentia  valere  iussa,  omnes  eventus  pedibus  suis  subiiciant  ac  si  mundum  regerent  solo  nutu.  Atque  ita  optime  quadrabit  verbum  exaliabuntur  :  quasi  diceret,  impios  fastu  suo  inflatos  supra  nubes  efferri:  quia  nihil  sibi  accidere  posse  adversi  imaginentur.  Si  magis  placeat  altera  lectio,  iterum  negatio  repetenda  erit,  ne  sinas  Deus  emergere  in  suum  effectum  quod  impii  consultant,  ne  exaltentur.  Hoc  quidem  certum  est,  perstringi  a  Davide  securitatem  hostium  suorum,  quia  Deum  pro  nihilo  ducentes,  sibi  ad  quidvis  audendum  habenas  laxent.  10,  (Caput  obsidentium.)  Dubium  est  an  sub  voce  Capitis  principem  adversae  factionis  notet:  quia  posset  esse  tam  ordinis  inversio  quam  mutatio  numeri:  hoc  sensu,  Recidat  molestia  quam  sceleratis  sermonibus  mihi  intentant,  in  capita  ipsorum.  Sed  quia  in  priorem  sententiam  descendunt  omnes  fere  interpretes,  sequamur  quod  magis  receptum  est:  nisi  quod  Saulem  potius  notari  existimo  quam  Doeg.  Sequitur  deinde  communis  imprecatio  contra  totam  manum,  ut  cadant  super  eos  carbones:  ubi  ad  horribile  Sodomae  et  Gomorrhae  exitium  alludere  videtur.  Et  alibi  vidimus  proponi  a  spiritu  Dei  hoc  vindictae  Dei  exemplum  ad  terrendos  om-