25:389  389  REDITUS  AD  HISTORIAM.  390  Dei,  et  servasse  foedus,  noa  ad  communem  modo  obedientiam  spectat:  sed  ad  peculiarem  servandi  depositi  curam.  Pariter  quidem  dicuntur  fideles  legem  servare,  dum  ad  sancte  vivendi  studium  attenti  sunt:  sed  custodia  cuius  hic  fit  mentio,  peculiariter  ad  docendi  munus  refertur.  Custodes  ergo  legis  vocantur  Levitae  et  observatores,  quasi  vofioyvXaxec  :  quoniam  apud  eos  depositus  est  coelestis  doctrinae  thesaurus:  quod  proximo  versu  clarius  exponitur  :  Docebunt  Iacob,  ete.  Si  quis  legis  observationem  intelligere  malit  de  vita  et  moribus,  ac  si  dictum  esset:  Levitas  bono  exemplo  aliis  praeire,  non  contendo:  mihi  tamen  videtur  secundum  membrum  esse  exegeticum,  et  familiarius  explicare  quod  subobscure  dictum  fuerat,  vel  modum  notare  servandae  legis,  quia  populi  doctores  et  magistri  erunt.  Quanquam  notanda  est  docendi  ratio:  neque  enim  illis  permittitur  sua  commenta  ingerere,  vel  proprio  arbitrio  fingere  vivendi  regulam:  sed  iubentur  ex  lege  petere  quod  tradant,  eamque  pure  et  fideliter  interpretari.  Haec  autem  interposita  fuit  conditio,  ut  quisquis  honoris  vellet  esse  successor,  vocationis  suae  memor,  docendi  partibus  fideliter  incumberet.  Itaque  quum  incorrupto  ecclesiae  statu  inanem  titulum  obtenderent  sacerdotes,  quibus  nihil  erat  simile,  stulta  eorum  gloriatio  refellitur  apud  Malachiam:  Pactum  meum,  inquit,  fuit  cum  Levi,  pactum  vitae  et  pacis  (Mal.  2,  5):  quia  lex  veritatis  fuit  in  ore  cius,  et  labia  sacerdotis  custodient  scientiam,  legemque  requirent  ex  ore  eius  :  vos  autem  violastis  foedus  meum.  Discamus  ergo  ex  hoc  loco,  quisquis  primatum  sibi  arrogat  in  ecclesia,  repudiandum,  nisi  fidum  doctorem  praestet.  Tertia  pars  sacerdotalis  officii  additur:  Operam  dare  sacris  peragendis:  nam  ab  agricultura,  et  aliis  terrenis  negotiis  eos  explicuerat  Deus,  quo  liberius  docendi  et  sacrificandi  officio  vacarent.  Etsi  autem  videri,  potuit  vilis  illa  occupatio:  si  tamen  veritas  spectatur,  non  vulgaris  fuit  honor,  medios  intercedere  ut  populum  Deo  reconciliarent:  nam  et  minimi  quique  ex  Levitis  aliquam  expiandi  partem  obibant.  Porro  sub  suffitu  et  holocaustis,  comprehenditur  totus  legalis  cultus.  Et  suffitus  dicitur  applicari  Dei  naribus:  quia  eius  oblationis  gratus  et  quasi  suavis  erat  odor,  ut  alibi  visum  est.  10.  Benedic  Iehova.  Videtur  haec  precatio  tacite  opponi  penuriae  quae  Levitas  manebat,  nisi  aliunde  illis  cibum  suppeditasset  Deus  quam  ex  agrorum  proventu.  Privati  enim  erant  communi  haereditate,  et  solus  Deus  illis  orat  pro  latifundio.  Ergo  ne  illis  molesta  sit  sua  conditio,  solatium  adhibet  Moses,  et  iubet  a  Deo  exspectare  copiam,  quae  ad  victum  sufficiat,  promittens  eius  benedictionem  uberrimi  proventus  loco  fore  sicuti  in  Psalmo  (132,15)  dicitur:  Victum  eius  benedicens  benedicam,  et  sacerdotes  saturabo  panibus.  Quod  sequitur:  Ut  opus