7:388  En  speciosa  reformatio,  cuius  promissione  hactenus  mundum  lactarunt:  tot  idololatriae  portenta,  quibus  deformata  est  ecclesia  Dei,  tot  superstitionum  inquinamenta,  tot  sacrorum  profanationes,  tantam  errorum  colluviem  non  attingere:  nihil  minuere  de  tyrannico  legum  impiarum  iugo,  quibus  illaqueatae  sunt  miserae  conscientiae:  sed  haereticos  iudicare,  qui  novari  aliquid  cupiunt.  Ubi  illa  audientia,  quam  sibi  multi  nimium  simplices  pollicebantur?  Quod  si  qua  eorum  animos  tangeret  religio,  imo  si  quem  omnino  Deum  esse  putarent,  an  tanta  securitate  res  tanti  momenti,  quasi  per  iocum,  transsilirent?  Agitur  Dei  gloria,  aeternum  Christi  regnum,  totius  ecclesiae  salus.  Coguntur,  ut  aliquousque  communibus  christiani  populi  votis  morem  gerant,  concilium  habere.  Praefantur  [pag.  47]  tamen,  ideo  se  venisse,  ut  spem  emendationis  praecidant.  Tantundem  enim  valent  eorum  verba,  ac  si  plane  ac  diserte  negarent,  fore  in  posterum  melius.  Neque  tamen  sic  agendo,  quidquam  alienum  designant  sua  persona.  Nihil  enim  in  pietatis  eversione,  aut  sacrorum  corruptelis  deplorant  hodie  boni  omnes,  cuius  non  illi,  qui  ad  iudicandum  sedent,  culpam  sustineant.  *)  Miramur  ergo,  si  ipsi,  dum  rei  aguntur,  secundum  se  protinus,  intacta  causa,  ferunt  sententiam?  2)  Sed  hoc  plus  quam  absurdum  est,  iudicandi  potestatem  iis  permitti,  quorum  crimen  in  iudicium  adducitur.  Et  tamen,  quid  aliud  proficiunt,  nisi  ut  agnoscant  oculati  omnes,  scelerum  eos  minime  poenitere,  dum  pertinaciter  defendunt  quidquid  in  illis  accusamus?  Neque  enim  efficient,  ut  rata  sit  eorum  impietas,  quia  sunt  ipsi  obstinati.  Quaeret  nunc  quispiam:  Quem  igitur  concilii  fructum  ostentant?  Nempe,  ut  compositis  inter  principes  christianos  bellis  tranquillam  reddant  ecclesiam.  Nugae.  Quis  enim  nescit,  Romanenses  flabella  esse  concitandis  bellorum  motibus,  quocunque  eorum  afflatus  penetraverit?  Restat  igitur,8)  ut  collapsam  morum  disciplinam,  praesertim  in  suo  clero,  restituant.  Quam  fideliter  autem  incubuerint  in  hanc  partem,  ex  actis  liquet.  Viam  [pag.  48]  enim  illic  patefaciunt,  ut  videbimus,  qua  liceat  in  posterum  quod  semper  licuit.  Ne  tamen  nihil  actum  fuisse  quis  putet  tam  sumptuoso  apparatu,  erit  forte  in  pileis  et  calceis  reliquoque  vestitu  aliqua  reformatio.4)  Hunc  in  modum  quum  Deo  et  hominibus  illudant,  non  pudet  eos  prophetarum  induere  1)  Add.  Tous  les  erreurs,  dy  ie,  en  la  doctrine  et  tous  les  abuz  leur  sont  a  imputer.  2)  Nous  esbahissons  nous  si  un  malfaicteur,  quand  il  est  iuge  en  sa  cause,  s'absoult  de  prime  face,  sans  regarder  si  c'est  a  tort  ou  a  droit?  3)  Le  troisiesme  article  est  de  reformer  le  clerge  et  y  mettre  bonne  police.  4)  laquelle  sera  observee  de  ceux  qui  se  voudront  monstrer  bien  devots.