6:388  est  praeparatio.  Elevatio  autem  cordium  est  conversio.  Agnoscunt  hic  vel  mediocris  iudicii  lectores  solitam  Pighii  dialecticam,  cuius  prima  regula  est,  unum  semper  in  plura  discerpere;  quae  autem  diversa  sunt,  in  unum  confundere.  Levare  in  coelum  corda  et  manus  quid  significet,  plus  satis  notum  est:  nempe,  expansis  in  coelum  manibus  serio  cordis  affectu  invocare  Deum.  Pighius  autem  puerile  commentum  fabricatur,  quod  levare  corda  sit  affectus  nostros  a  terrenis  et  caducis  rebus  liberare,  cum  manibus,  id  est,  operibus  nostris.  Atque  istae  sunt  interpretationes,  scilicet,  quibus  non  secus  ac  delphicis  responsis  fidem  haberi  vult:  quum  nihil  magis  aut  frivolum,  aut  nugatorium  fingi  queat.  Continuo  post,  culpae  agnitionem  veniaeque  deprecationem,  quae  duo  sub  praeparatione  ante  posuerat,  ad  conversionem,  hoc  est,  secundum  poenitentiae  membrum  refert.  Ut  tamen  illi  tam  crassos  errores  ignoscam,  rogo  quidnam  se  confecisse  putet.  Totam,  inquit,  poenitentiam  esse  in  hominis  potestate.  Atqui  illud,  quod  ipse  quoque  Pighius  initium,  et  quasi  primum  ingressum  facit,  ut  peccator,  iniquitatis  suae  agnitione  confusus,  sibi  displiceat,  inter  alia  Dei  beneficia  ponit  Ezechiel,  apud  quem  sic  Deus  populum  suum  alloquitur:  Quum  tu  iuramentum  contempseris,  ut  dissolveres  pactum,  ego  tamen  recordabor  foederis  mei  quod  pepigi  tecum,  suscitaboque  foedus  aeternum.  Et  tunc  viarum  tuarum  recordaberis,  ut  confundaris.  Suscitabo,  inquam,  tecum  pactum  meum,  ut  recorderis  et  confundaris  (Ez.  16,  59).  Pighius  hanc  esse  praeparationem  fingit,  qua  homines  Deum  antevertant,  ac  priores  occurrant  eius  gratiae.  Dominus  autem  homines  praevenire  se  testatur,  ut  peccata  sua  agnoscant.  De  altera  parte  iam  alibi  dictum  est:  non  magis  penes  hominem  esse,  innovare  suam  vitam,  quam  propria  potentia  a  mortuis  resurgere.  De  oratione,  [pag.  217]  quam  promptum  est  eius  insaniam  convincere?  Invocando,  inquit,  praeveniunt  homines  Dei  gratiam.  Quod  enim  eam  precibus  flagitant,  ex  se  ipsis  faciunt.  At  Paulus  contra:  Quomodo  invocabunt,  in  quem  non  crediderunt  (Rom.  10,  14)?  Quibus  certe  verbis  Dei  invocationem  ex  fide,  tanquam  filiam  ex  matre,  procedere  nascique  demonstrat.  Unde  autem  fides?  An  hanc  quoque  praeparationis  e^se  partem  nugabitur?  Et  cur  non  faceret,  quum  de  spe  sic  ausus  fuerit  loqui?  quae  tamen  et  fide  posterior  est,  et  ex  ea  quoque  sicut  Dei  invocatio  producitur.  Habent,  inquit,  a  se  ipsis  homines  ut  pulsent:  Dei  autem  est  aperire.  Augustinus  autem:  1)  Haec  est  fidei  sanitas,  quae  nos  orare  facit,  ut  exaudiamur;  quaerere,  ut  inveniamus;  pulsare,  ut  aperiatur  nobis.  Contra  istam  I)  Lib.  de  perfect,  iustitiae.