54:388  et  des  vices  qui  sont  plus  enormes  entre  nous  qu'entre  les  Papistes,  que  nous  voyons  ceux  qui  se  despitent  contre  toute  bonne  doctrine,  n'en  recevans  sinon  ce  que  bon  leur  semble,  et  quand  ils  se  seront  mocquez  de  toutes  remonstrances,  qu'ils  feront  le  nicquet,  voire  mesmes  qu'ils  dressent  les  cornes  comme  de  taureaux  pour  heurter  contre  Dieu,  et  ceux  qui  les  enseignent,  que  nous  ne  soyons  point  scandalizez  pour  cela,  mais  que  nous  soyons  armez  de  ce  qui  est  ici  dit,  Et  bien,  tant  y  a  qu'ils  ne  reculeront  point  les  eleus  de  Dieu:  car  il  cognoist  et  scait  qui  sont  les  siens,  c'est  son  propre  heritage,  il  les  maintiendra  donc.  Cependant  que  nous  ayons  tous  tels  supposts  du  diable  en  detestation,  i'enten  ceux  qui  manifestement  se  dressent  ainsi  contre  Dieu  et  sa  doctrine,  nous  eslongnans  d'eux  tant  qu'il  nous  sera  possible.  Ainsi  donc,  que  nous  ayons  ceste  constance  invincible  de  despiter  tous  ces  meschans  qui  se  rebecquent  ainsi  a  l'encontre  de  Dieu,  et  que  nous  cheminions  tousiours  en  la  simplicite  de  l'Evangile,  quoy  qu'il  en  soit.  Voila  donc  pourquoy  notamment  sainct  Paul  a  ici  parle  des  eleus  de  Dieu.  Or  ii  adiouste  pour  declaration  plus  ample,  que  ceste  foy-ci  de  laquelle  il  a  fait  mention,  est  la  cognoissance  de  verite  qui  est  selon  la  crainte  de  Dieu,)  en  l'esperance  de  la  vie  eternelle.  Or  en  appellant  la  foy,  cognoissance  de  verite,  il  monstre  en  premier  lieu,  qu'il  ne  nous  faut  point  avoir  seulement  une  opinion  seule  pour  nostre  foy,  mais  qu'il  faut  que  nous  cognoissions  que  c'est  de  nostre  Dieu,  et  de  sa  volonte.  Car  les  Papistes  ont  forge  en  leur  boutique  une  foy  qu'ils  appellent  Enveloppee,  et  disent  que  c'est  assez  que  les  idiots  et  les  gens  laics  croyent  ce  que  l'Eglise  croit.  Or  cependant  il  n'y  a  nulle  cognoissance.  Quelle  donc  est  ceste  creance-la?  D'estre  pures  bestes,  pour  dire,  Ie  ne  scay  que  c'est  de  Dieu,  ie  n'ay  pas  une  seule  goutte  d'intelligence  de  sa  parole:  mais  ie  m'en  rapporte  a  la  mere  saincte  Eglise:  si  cela  est  bon,  ie  n'y  veux  point  contredire.  Quand  on  leur  dira  qu'il  y  a  une  centaine  de  dieux  :  Et  bien,  si  la  mere  saincte  eglise  le  croit,  i'en  suis  content,  ie  le  confesse  avec  elle,  ce  m'est  tout  un,  ie  m'en  rapporte  tousiours  a  nostre  mere  saincte  Eglise.  Voila  (di-ie)  la  foy  qu'ont  les  Papistes.  Et  ainsi  c'est  a  bon  droit  que  nous  les  pouvons  nommer  incredules,  combien  que  ce  leur  est  une  perfection  d'avoir  une  telle  foy  enveloppee,  et  qu'il  suffit  a  un  simple  Chrestien  de  croire  ainsi  a  credit.  Or  ici  sainct  Paul  nous  monstre  bien  tout  l'opposite:  car  il  declare  que  la  foy  n'est  pas  une  telle  bestise:  mais  il  l'appelle  cognoissance,  voire  cognoissance  de  la  verite  de  Dieu,  pour  scavoir  quelle  est  l'esperance  de  la  vie  eternelle.  Apprenons  donc  pour  estre  recognus  Chrestiene,