52:388  moniae  de  impensis.  Ergo  tale  est  mundi  ingenium,  ut  cupidissime  innumeros  impostores  coacervando,  quidquid  Dei  est,  exterminare  cupiat.  Nec  vero  alia  tot  errorum  causa  est,  nisi  quod  ultro  decipi  malunt  homines,  quam  recte  doceri.  Atque  hoc  est  quod  addit  Paulus,  de  a  u  r  i  um  p  r  u  r  i  t  u  .  Causam  enim  tanti  mali  dum  vuit  assignare,  eleganti  metaphora  utitur,  qua  significat  tam  delicatis  auribus  mundum  fore,  tamque  rerum  novarum  perperam  cupidis,  ut  varios  sibi  magistros  accumulet,  atque  ad  nova  identidem  figmenta  circumferatur.  Unicum  huius  vitii  remedium,  si  doceantur  fideles  acquiescere  in  pura  evangelii  doctrina.  5.  Tu  vero  vigila  in  omnibus,  perfer  afflictiones,  opus  fac  evangelistae,  ministerium  tuum  probatum  redde.  6.  Ego  enim  iam  immolor,  et  tempus  meae  resolutionis  instat  7.  Bonum  certamen  certavi,  cursum  consummavit  fidem  servavi.  8.  Quod  superest,  reposita  est  mihi  iustitiae  corona,  quam  reddet  mihi  Dominus  in  Uia  die  iustus  iudex:  nec  solum  mihi,  sed  etiam  omnibus  qui  diligunt  adventum  eius.  5.  Tu  vero  vigila.  Pergit  in  superiore  exhortatione:  ut  quo  magis  ingravescunt  morbi,  maiore  sedulitate  incumbat  Timotheus  ad  eos  curandos:  et  quo  propius  instant  pericula,  eo  intentiores  agat  excubias.  Et  quia  parata  mox  sunt  Christi  ministris  certamina  dum  fideliter  se  gerunt  in  suo  officio:  simul  admonet  ut  malis  tolerandis  constans  sit  ac  infractus.  Opus  facere  e  v  a  n  g  e  l  i  s  t  a  e  ,  est  praestare  quod  evangelista  dignum  est.  Caeterum  an  hoc  nomine  generaliter  significet  quosvis  evangelii  ministros,  an  vero  speciale  aliquod  fuerit  munus,  incertum  est.  Magis  tamen  in  hanc  secundam  partem  inclino  :  quia  ex  quarto  capite  ad  Ephesios  haud  dubie  constat,  ordinem  fuisse  inter  apostolos  et  pastores  medium:  ita  ut  essent  evangelistae  apostolis  secundi  adiutores.  Iam  vero  probabilius  est,  Timotheum,  quem  sibi  Paulus  proximum  in  omnibus  collegam  adsciverat,  gradu  et  officii  dignitate  antecelluisse  vulgares  pastores,  quam  fuisse  unum  quemlibet  ex  eorum  numero.  Deinde  honorifica  officii  mentio  tam  ad  eum  animandum,  quam  ad  commendandam  aliis  eius  autoritatem  valet  :  quorum  utrumque  spectavit  Paulus.  In  ultimo  membro  si  cum  vetere  interprete  legamus  imple,  sensus  erit,  Non  aliter  ad  plenum  defungi  munere  tibi  iniuncto  potes,  nisi  haec  agendo  quae  praecepi:  itaque  vide  ne  in  medio  cursu  deficias.  Sed  quia  TcXyjpocpopetv  fere  accipitur  pro  fidem  facere  aut  comprobare:  hic  magis  placet  sensus,  qui  et  ipse  quoque  optime  quadrabit  contextui,  Timotheum  vigilando,  et  patienter  ferendo  afflictiones,  ac  doctrinae  instando,  hoc  consequuturum  ut  ministerii  sui  veritas  stabiliatur:  quia  scilicet  ex  talibus  notis  omnes  eum  probum  Christi  ministrum  agnoscent.