41:388  de  l'oraison  est  bien,  que  nous  aions  nostre  regard  du  tout  fiche  en  Dieu:  mais  il  y  ha  un  second  point,  c'est  la  confession  de  foy.  Pourquoy  est  ce  que  nous  venons  au  temple,  et  que  noua  prions  en  public,  chascun  ne  pourroit  il  faire  cela  en  sa  maison?  oui  bien.  Pourquoy  doncques  est  ce  que  nous  le  faisons  a  la  veue  des  hommes?  c'est  a  fin  de  protester  que  nous  avons  tout  nostre  refuge  a  Dieu,  que  nous  sommes  destitues  de  tout  bien  sans  luy  :  que  c'est  a  luy  que  nous  attribuons  la  louange  de  nostre  vie,  et  de  tout  le  reste.  Nous  voions  maintenant  doncques,  qu'il  y  ha  deux  choses  en  l'oraison,  ascavoir  quand  par  foy  nous  declarons,  que  nous  sommes  tenus  a  Dieu,  a  fin  de  le  requerir  en  cest  endroit,  nous  n'avons  point  d'esgard  aux  hommes,  mais  qu'il  faut  aussi  que  nous  declarons,  que  tout  nostre  salut  consiste  en  Dieu,  et  que  c'est  la,  que  nous  le  venons  cercher.  Venons  maintenant  a  l'exemple  de  Daniel,  qui  nous  est  ici  recite.  Il  ouvre  sa  senestre:  est  ce  a  fin  que  Dieu  Foie  tant  mieux?  non.  Est  ce  a  fin  qu'il  soit  veu  des  hommes?  il  n'a  point  ce  regard  la,  mais  c'est  pour  faire  confession  de  sa  foy,  il  est  la  en  Babilonne,  et  monstre  bien  qu'il  est  subiet  des  Chaldeens,  et  puis  des  Perses,  et  des  Medes  apres  que  le  Royaume  est  change,  que  toutesfois  il  ne  quitte  point  la  subiection  qu'il  doit  a  Dieu,  qu'il  le  connoist  tousiours  pour  son  prince  souverain.  Quant  aux  choses  de  ce  monde,  il  est  la  detenu  en  captivite.  Mais  ce  pendant  il  ni  ha  que  le  corps,  qui  soit  en  servitude,  il  reserve  son  ame  pure,  et  veut  monstrer  qu'il  ni  ha  que  le  Dieu  vivant,  auquel  elle  appartienne,  et  puis  il  luy  fait  hommage  de  son  corps  quant  a  la  religion,  voila  le  corps  de  Daniel.  Or  nous  avons  monstre  par  ci  devant,  qu'il  estoit  dit  par  Salomon,  quand  Dieu  avoit  afflige  son  peuple,  que  les  fideles  seroient  disperces  ca  et  la  en  pais  loingtain,  qu'ils  regardassent  vers  le  temple  pour  estre  exauces.  Pourquoy  cela?  a  cause  du  sanctuaire,  qui  estoit  tesmoignage  que  Dieu  leur  donnoit  sa  presence.  Pour  dire  ie  vous  exauceray  ici,  en  vos  prieres  et  oraisons,  Daniel  suit  cette  reigle  la,  il  n'a  rien  invente  de  son  cerveau,  mais  il  fait  ce  que  l'Esprit  de  Dieu  a  prononce  par  la  bouche  de  Salomon,  il  regarde  bien  a  ce  qu'il  doit  faire,  estant  entre  les  mains  des  incredules.  Et  s'il  ne  faisoit  confession  de  sa  foy,  il  sembleroit  qu'il  se  voulust  polluer  aux  abominations,  et  idolatries  des  infideles.  Voila  pourquoy  Daniel  expose  sa  vie,  combien  que  l'edict  du  Roy  fut  autre,  qu'on  ne  priat  ni  Roy,  ni  homme  par  l'espace  de  trente  iours,  si  faut  il  que  Daniel  le  face.  Car  prenons  le  cas  que  Daniel  eust  ferme  sa  chambre,  et  qu'il  se  fust  retire,  qu'eust  ce  este?  n'eust  il  point  donne  occasion  de  penser,  qu'il  aimoit  mieux  obeir  aux  hommes  qu'a  Dieu?  Qu'eust  on  dit  sur  cela?