32:388  quia  scimus  Hebraeos  saepe  omittere  praepositiones,  non  dubito  quin  significet  eos  falsis  delationibus  accendere  omnium  odia,  atque  ita  esse  belli  tubas.  Nam  quod  nonnulli  verbum  VfiJP  accipiuut  pro  coire,  vel  simul  concurrere,  videtur  esse  et  remotum  et  frigidum.  Postea  exprimit  quomodo  iniustum  bellum  excitent,  nempe  perversis  calumniis:  quia  vi  et  manu  opprimere  non  poterant  probum  hominem,  et  innoxium,  donec  calumniis  esset  obrutus.  5.  (Custodi  me  Iehova.)  Querimoniis  et  accusationibus  nunc  iterum  addit  precationem,  unde  melius  t  constat  quod  attigi,  tantum  implorare  Deum  vindicem.  Est  autem  eiusdem  sententiae  repetitio,  mutatis  quibusdam  verbis:  quia  ubi  dixerat,  eripe  me,  dicit  custodi:  et  pro  homine  malo,  ponit  manus  scelerati.  Ubi  vero  dixerat  cogitare  malitias,  mutat  machinari  quomodo  miserum  et  incautum  hominem  praecipitent.  Quod  etiam  de  fraudibus  dixerat,  metaphorice  repetit  non  sine  vehementia.  Dicit,  enim  retia  ad  se  illaqueandum  undique  extenta  esse,  nisi  Dominus  succurrat.  Etsi  autem  videntur  primo  intuitu  obscuriores  metaphorae  quam  simplex  nudaque  oratio,  haec  tamen  figura  minime  obscurat  quod  prius  dictum  est,  et  plus  energiae  in  se  continet.  Iam  ex  nomine  D^XJ��    a*tos  e  t  superbos  Hebraeis  significat,  colligimus  non  agi  de  gregariis  hominibus,  sed  qui  autoritate  praediti  sperabant  nihil  sibi  fore  negotii  in  deiiciendo  pauperculo  homine.  Itaque  eius  exemplo,  quoties  insolenter  hostes  nostri  se  efferent,  discamus  ad  Deum  confugere,  cuius  est  retundere  impiorum  ferociam.  Neque  tamen  intelligit,  sola  vi  et  audacia  grassatos,  quum  de  retibus  et  decipulis  queratur:  sed  utrumque  coniungit,  potentia  sua  confisos  fraudes  excogitasse  quibus  eum  perderent.  7.  Dixi  Iehovae,  Deus  meus  es:  ausculta  Iehova  voci  deprecationis  meae.  8.  Iehova  Domine  mi,  robur  salutis  meae,  posuisti  tegumentum  capiti  meo  in  die  armorum.  9.  Ne  permittas  Iehova  desideria  impii:  cogitarunt  y  ne  consummes,  exaltabuntur.  Selah.  10.  Caput  obsidentium  me,  molestia  labiorum  eius  operiat  eum.  ll.  Cadant  super  eos  carbones  cum  igne:  praecipitabit  eos  in  profunditates,  non  resurgent.  7.  (Dixi  Iehovae.)  Docet  his  verbis  sibi  non  nasci  vota  in  labiis,  sicut  hypocritae  ostentationis  causa  clamose  Deum  invocant:  sed  se  orare  serio,  et  recondito  fidei  sensu.  Donec  enim  vere  quis  statuerit  se  Dei  gratia  salvum  fore,  nulla  erit  sincera  invocatio.  Pulcre  autem  hic  exprimitur  fidei  natura,  dum  propheta  se  ab  hominum  oculis  subducens,  Deum  seorsum  alloquitur:  quia  hic  interior  cordis  recessus  hypocrisin  omnem  excludit.  Haec  igitur  vera  precandi  regula  est,  non  futiliter