25:388  (Ioan.  21,  17).  Porro  sermo  qui  sequitur  ad  Deum  referri  debet:  male  enim  quidam  vertunt:  Urim  et  Thummim  erunt  apud  te,  ac  si  Moses  alloqueretur  tribum  Levi.  Itaque  ut  tollatur  ambiguitas,  commode  licebit  transferre  De  Levi  potius  quam  Ad,  et  b  saepe  hoc  sensu  capitur.  Quo  itaque  magis  authentica  sit  benedictio,  Deum  ipsum  compellat  Moses,  ac  si  eum  citaret  testem,  vel  apud  eius  tribunal  referret  sua  mandata.  Etsi  autem  hic  ponuntur  hebraicae  voces  Thummim  et  Urim,  quae  fuerunt  praecipue  partes  sacri  ephod:  non  dubitavi  tamen  post  alios  appellative  transferre.  Neque  enim  dubium  est  quin  illis  symbolis  notata  fuerit  tam  legis  scientia,  (quae  unica  lux  est  animarum)  quam  vitae  integritas.  Summa  tamen  est,  apud  Aharon  depositum  fuisse  sacerdotii  honorem.  Quem  nominat  virum  clementiae  Dei,  vel  mansuetum  :  Hieronymus  pro  suo  more  vertit  Sanctum,  improprie,  TDn  enim  mitem  vel  humanum  significat.  Atque  hoc  epitheton  passim  tribuitur  filiis  Dei,  nt  discamus  imitari  patrem  illum  misericordiae,  qui  solem  suum  oriri  facit  super  bonos  et  malos.  Quae  sequuntur,  loco  exceptionis  addita  esse  existimo:  quod  Deus  tentaverit  eum  in  Masa.  Nec  vero  mihi  dubium  est  quin  Moses  Dei  misericordiam  amplificet  hac  circumstantia,  quod  dignatus  fuerit  Aharon  tanto  honore  :  qui  tamen  impatientia  victus,  defecerat.  Interea  notandum  est,  populi  respectu  celebrari  zelum  Aharonis  tanquam  laude  dignum:  quasi  dictum  esset,  peccatum  Aharonis  ex  fonte  virtutis  manasse:  quoniam  ex  sancta  indignatione  ad  fervorem  impatientiae  lapsus  est,  quum  indigne  ferret  populum  contra  Deum  tumultuari.  Nisi  forte  per  apostrophen  verba  haec  de  populo  intelligere  placeat  :  Tentasti,  ad  contentionem  provocasti  eum,  vel,  litigasti  cum  eo  :  melius  tamen  fluet  oratio,  si  intelligamus  Deum  cum  Aharone  tunc  disceptasse:  quia,  etsi  tentatione  victus  est,  specimen  dedit  non  spernendum  suae  pietatis:  et  ex  eo  tempore  non  destitit  strenue  functionem  suam  exsequi.  9.  Qui  patri  suo  dixit.  In  persona  Aharonis  exemplar  Levitis  omnibus  proponitur  ad  imitandum.  Ac  primo  quidem  dicitur  renunciasse  carni  et  sanguini,  quo  expeditior  esset  ad  parendum  Deo.  Et  certe,  ut  se  totos  Deo  addicant  ecclesiae  pastores,  necesse  est  exuere  terrenos  affectus,  qui  subinde  eos  retroagerent.  Dicitur  ergo  Aharon  valedixisse  suis  omnibus,  quo  se  Deo  libere  impenderet:  hoc  idem  nunc  exigit  Christus  a  suis  discipulis  (Mat.  10,  37  et  alibi),  ut  filii  patres  obliviscantur,  et  patres  filios,  mariti  uxores,  ne  quid  eorum  cursum  moretur,  quominus  per  vitam  et  mortem  strenue  pergant  quo  vocati  sunt.  Postea  numero  plurali  totum  ordinem  leviticum  Moses  complectitur:  unde  colligere  licet,  quae  prius  dicta  sunt,  non  restringi  ad  unum  hominem.  Quod  autem  dicit  custodisse  sermonem