8:387  387  QUATRE  SERMONS.  388  crement  de  la  Cene,  ils  la  renoncent:  combien  qu'il  ne  se  fault  point  trop  esbahir  d'une  telle  inconstance:  car  [f.  15]  c'est  le  vray  payement  de  tous  eeulx  qui  ne  sont  point  fondez  en  la  verite  de  Dieu:  et  Dieu  se  venge  d'eulx,  faisant  qu'ils  soyent  tousiours  en  bransle,  et  qu'ils  se  contrarient  eulx-mesmes  en  ce  qu'ils  font.  Touchant  d'une  telle  Cene  fardee,  ie  scay  bien  qu'a  leur  fantasie,  on  leur  fait  un  grand  tort  de  la  reprouver.  Mais  qu'y  povons-nous,  puisqu'elle  ne  convient  point  a  la  reigle  du  Maistre?  Ie  ne  la  condamne  pas  pource  qu'elle  se  fait  en  cachette,  car  ie  scay  que  iamais  la  Cene  ne  s'est  mieulx  faicte  ne  plus  sainctement  que  quand  les  disciples  se  sont  retirez  en  secret  pour  la  faire,  a  cause  de  la  tyrannie  des  ennemis.  Mais  il  y  a  yci  deux  vices  insupportables:  l'un  est  que  ceulx  qui  bastissent  une  telle  cingerie  de  Cene  font  semblant  d'y  avoir  leur  Messe,  et  veulent  qu'on  le  pense  ainsi:  le  second  est  que  le  beau-pere  duquel  ils  la  recoyvent,  la  leur  donne,  non  pas  comme  Pasteur  Chrestien,  mais  en  qualite  de  prebstre  Papal.  Ils  pensent  avoir  bonnes  defenses  en  disant  que  leur  chanteur  de  Messe  n'ha  pas  intention  de  leur  faire  adorer  ni  le  pain  ni  le  vin,  qu'il  laisse  le  Canon  ou  sont  les  plus  grandes  impietez,  et  qu'il  donne  le  sacrement  a  toute  la  compaignie  soubs  les  deux  expeces.  Mais  quand  ce  viendra  devant  le  grand  Iuge,  ils  sentiront  ce  qu'ils  auront  gaigne  avecques  toutes  telles  couvertures.  Mesmes  ils  le  doibvent  desia  sentir,  et  ie  m'en  rapporte  aux  poinctes  et  picqueures  qu'ils  en  ont  en  leurs  consciences.  Et  c'est  la  ou  il  fault  que  ce  proces  se  vuyde:  car  sans  faire  plus  longues  enquestes,  ils  scavent  ce  qu'ils  pretendent  de  monstrer  tant  aux  ennemis  de  Dieu  qu'a  tout  le  commun  peuple.  Il  fauldroit  que  Dieu  se  renonceast  pour  approuver  un  acte  de  telle  profession.  Quand  tous  les  hommes  de  la  terre  auroyent  conspire  ensemble  pour  les  iustifier,  si  est-ce  que  le  plus  habile  d'eulx  ne  se  pourra  iamais  absouldre  qu'il  ne  cloche  des  deux  costez.  Or,  Dieu  a  declare  par  son  Prophete  (1  Rois  18,  21)  qu'on  ne  luy  fera  iamais  trouver  une  telle  clocheure  bonne.  Quant  a  l'homme  qu'ils  prennent  pour  ministre  de  leur  Cene,  c'est  une  mocquerie  de  le  vouloir  faire  capable  d'un  tel  office.  Voire,  mais  la  vertu  des  sacremens,  disent-ils,  ne  despend  point  de  la  dignite  des  personnes.  Ie  le  confesse,  et  di  plus  oultre,  que  si  un  diable  administre  la  Cene,  elle  n'en  sera  point  pire,  et  au  contraire,  si  un  Ange  chantoit  la  Messe,  qu'elle  n'en  vauldroit  rien  mieulx.  [f.  16]  Mais  nous  sommes  a  ceste  heure  sur  une  autre  question,  a  scavoir,  si  les  ordres  du  Pape  conferez  a  un  moine  le  rendent  idoine  a  faire  office  de  pasteur.  S'ils  replicquent  qu'ils  n'entendent  pas  que  cela  y  face  rien,  et  qu'ils  ne  le  choisissent  pas  en  telle  qualite,  la  chose  monstre  le