7:387  387  ACTA  SYNODI  TRIDENTINAE  388  cum  stridore  spumas  agere:  sed  quae,  suo  ipsarum  tumore  elisae,  mox  flaccescant.  Ergo  simul  ac  prima  fronte  sparserunt  suos  fumos,  non  dissimulanter  ostendunt,  quis  futurus  sit  actionum  suarum  status,  quod  ad  praecipuum  caput  attinet:  nempe,  ut  impietates  suas  omnes  mordicus  retineant:  nos,  qui  nihil  quam  Christum  regnare  cupimus,  puram  evangelii  doctrinam  asserentes,  haeretici  iudicemur.  Sic  enim  priusquam  ad  cognitionem  ventum  sit,  pronunciant  haereticos  esse,  quicunque  contra  receptam  ecclesiae  romanae  doctrinam  aliquid  movere  hoc  tempore  ausi  sunt.  Quid  hoc  est?  Totus  orbis  christianus  concilium  exspectabat,  in  quo  iusta  de  rebus  controversis  disputatio  institueretur:  isti  se  non  alium  in  finem  [pag.  45]  sedere  profitenti*r,  nisi  ut  damnent  quidquid  non  adlubescit.  Proinde,  nemo  iam  ultro  se  fallat  :  quando  ex  ipsorum  ore  audimus,  non  inquirendi  causa  celebrari  hanc  concilii  pompam,  sed  tantum,  ut  stabiliatur  qualecunque  fuit  illud  doctrinae  genus,  quo  monachi  et  sophistae  orbem  imbuerunt:  maneant  ritus  omnes,  quacunque  superstitione  obrepserint:  omnes  conscientiarum  laquei  arctiore  nodo  stringantur.  1)  Et  adhuc  erit  quispiam  tam  stupidus,  qui  malorum  levationem  a  concilio  petendam  censeat?  Totam  pietatis  doctrinam  impiis  dogmatibus  vitiatam  esse  conquerimur:  totum  Dei  cultum  foedis  ac  pudendis  superstitionibus  vitiatum:  puram  sacramentorum  institutionem  horrendis  sacrilegiis  mutatam  esse:  eorum  usum  ad  profanas  nundinationes  conversum  :2)  miseras  animas,  quae  regi  Christi  doctrina  debuerant,  crudeli  servitute  teneri  oppressas:  nihil  in  christiana  ecclesia  spectari,  nisi  deforme  ac  foedatum:  Christi  gratiam  non  modo  iacere  semisepultam,  sed  partim  laceratam  in  frusta,  partim  exstinctam  penitus  esse.  Quod  iustae  porro  sint  nostrae  querimoniae,  iam  tot  annos,  et  libris  editis,  et  quotidianis  concionibus,  palam  facimus:  parati  etiam  sumus,  ubicunque  data  fuerit  loquendi  copia,  planum  facere.  Ea  enim  est  causae  nostrae  bonitas,  ut  [pag.  46]  lucem  minime  reformidet.  Ac  multae  quidem  sunt  hominum  myriades,  quibus  hoc  iam  certo  persuasum  est:  ut  non  aliam  inquisitionem  desiderent.  Sed  tamen,  ne  sublatis  dissidiis  in  sanctam  concordiam  iterum  christianus  orbis  coalescat,  synodus  indicitur.  An  non  discutiendae  prius  erant  controversiae,  quam  sibi  vel  aliis  praeiudicarent?3)  At  nihil  tale  admittunt:  quin  potius,  si  quis  pilum  ex  eorum  institutis  convellere  tentaverit,  eum  iam  pro  damnato  habent.  1)  pour  astraindre  plus  fort  les  consciences  en  tous  leurs  lacz,  c'est  a  dire,  pour  les  assubiettir  en  une  servitude  plus  estroite  de  leurs  traditions.  2)  converty  en  des  abuz  prophanes  pour  servir  a  l'avarice  des  prestres.  3)  devant  qu'ilz  fermassent  la  porte.