55:387  387  EPIST.  IACOBI  388  quantumvis  largum  nos  fatigare  pudet  saepius  petendo.  Iacobus  autem  nihil  in  Deo  simile  esse  admonet:  quoniam  priora  beneficia  sine  fine  ac  modo  novis  subinde  cumulare  paratus  sit.  6.  Postulet  autem  in  fide.  Primum  hic  docet  quae  legitima  sit  orandi  ratio.  Nam  sicuti  orare,  nisi  praeeunte  verbo,  non  possumus:  ita  antequam  oremus,  credere  nos  oportet.  Precando  enim  testamur  gratiam,  quam  Deus  promisit,  nos  ab  eo  sperare.  Ita  quisquis  fidem  non  habet  promissionibus,  simulate  orat.  Hinc  quoque  discimus  quae  sit  vera  fides:  nam  simul  ac  praecepit  Iacobus  cum  fide  petere,  addit  explicationem,  nihil  haesitando.  Ergo  fides  est  quae  Dei  promissionibus  freta,  nos  impetrandi  quod  petimus,  certos  reddit:  unde  sequitur,  cum  fiducia  et  certitudine  divini  in  nos  amoris  esse  coniunctam.  Verbum  Scaxpivsafrac,  quo  utitur,  proprie  in  utramque  partem,  disceptantium  more,  inquirere  significat.  Yult  ergo  sic  nobis  persuasum  esse  quod  semel  Deus  promisit,  ut  in  dubitationem  non  vocemus,  exaudiendi  simus  necne.  Qui  haesitat  Eleganter  hac  similitudine  exprimit  qualiter  Deus  eorum  infidelitatem  puniat,  qui  de  promissis  suis  dubitant.  Sua  enim  ipsi  inquietudine  intus  se  ipsos  excruciant:  quoniam  nulla  usquam  est  animis  nostris  tranquillitas,  nisi  dum  recumbunt  in  Dei  veritatem.  Tandem  concludit  indignos  esse  tales  qui  a  Deo  quidquam  impetrent.  Insignis  est  hic  locus  ad  refellendum  impium  illud  dogma  quod  in  toto  papatu  pro  oraculo  habetur:  nempe  dubitanter  et  incerta  successus  opinione  esse  orandum.  Quare  principium  hoc  teneamus,  non  aliter  exaudiri  preces  nostras  a  Domino,  nisi  quum  adest  impetrandi  fiducia.  Fieri  quidem  non  potest  in  hac  carnis  infirmitate  quin  variis  tentationibus  agitemur,  quae  sunt  veluti  machinae  ad  labefactandam  nostram  fiduciam:  ita  nemo  reperietur  qui  non  sensu  carnis  suae  vacillet  ac  trepidet:  sed  oportet  eiusmodi  tentationes  fide  tandem  superari.  Quemadmodum  arbor,  quae  firmas  radices  iecit,  petitur  quidem  venti  impulsu,  sed  non  revellitur:  quin  potius  suo  loco  stabilis  manet.  8.  Vir  duplici  animo.  Potest  haec  sententia  seorsum  legi,  ut  generaliter  de  hypocritis  loquatur:  mihi  tamen  magis  videtur  superioris  doctrinae  esse  clausula:  atque  ita  erit  tacita  antithesis  inter  Dei  simplicitatem,  cuius  meminit  prius,  et  duplicem  hominis  animum.  Sicuti  enim  exporrecta  manu  nobis  Deus  largitur:  ita  vicissim  sinum  cordis  nostri  expansum  esse  decet.  Incredulos  ergo,  qui  fiuxuosos  recessus  habent,  dicit  esse  i  n  s  t  a  b  i  l  e  s  ,  quia  nunquam  unum  et  idem  constitutum  habent:  sed  nunc  turgent  carnis  confidentia,  nunc  desperatione  in  profundum  merguntur.  9.  Porro  glorietur  frater  humilis  in  sublimitate