54:387  387  SERMON  I  388  qu'ils  ee  contentent.  Mais  pour  mieux  veoir  le  profit  que  nous  apporte  ce  passage,  notons  en  premier  lieu,  que  sainct  Paul  a  ici  voulu  armer,  et  Tite,  et  tout  le  peuple,  contre  le  scandale  qui  trouble  beaucoup  d'infirmes:  c'est  quand  ils  voyent  qu'il  y  a  des  repugnances  et  contradictions,  mesmes  que  ceux  qui  portent  le  titre  de  Chrestiens  veulent  faire  des  revesches  et  bestes  sauvages:  voila  qui  trouble  beaucoup  de  simples.  Or  il  nous  est  ici  declare  qu'il  nous  peut  bien  suffire  que  nous  soyons  conioints  et  unis  avec  les  eleus  de  Dieu.  Or  sainct  Paul  en  parlant  ainsi,  monstre  qu'il  ne  nous  faut  point  esbahir  s'il  y  a  des  mutins  en  l'Eglise,  qui  taschent  de  renverser  tout  ordre,  s'il  y  a  des  hypocrites  qui  sement  leur  zizanie  pour  divertir  les  ignorans  de  la  purete  de  l'Evangile,  s'il  y  a  des  meschans  et  dissolus  qui  regimbent  a  l'encontre  de  Dieu,  et  bataillent  contre  le  royaume  de  nostre  Seigneur  Iesus  Christ.  Et  pourquoy?  Car  tous  ne  sont  point  eleus.  Cognoissons  que  c'est  un  don  special,  qu'il  faut  que  nous  soyons  du  troupeau  de  lesus  Christ  pour  avoir  la  foy,  et  pour  obeir  a  son  Evangile.  Or  il  dit  que  ceux  qui  croyent  en  luy,  luy  estoyent  donnez  du  Pere  pour  heritage.  Par  cela  il  monstre  que  ce  n'est  point  a  nous  de  commencer  nostre  salut.  Et  ces  babouins,  ou  plustost  ces  supposts  de  Satan  voudront  renverser  le  premier  fondement  de  nostre  foy,  c'est  ascavoir  de  l'election  et  predestination  eternelle  de  Dieu,  et  viendront  corriger,  et  Dieu,  et  son  S.  Esprit.  Or  sainct  Paul  au  contraire  (comme  aussi  Iesus  Christ  en  ce  passage  que  nous  avons  allegue)  monstre  bien  que  la  foy  ne  commence  point  de  nostre  coste:  mais  c'est  d'autant  que  Dieu  nous  avoit  choisis,  et  a  cause  de  son  election  immuable,  a  cause  de  sa  bonte  gratuite  par  laquelle  il  nous  a  adoptez  pour  ses  enfans,  il  nous  donne  a  Iesus  Christ,  et  nous  venons  a  luy.  Et  pourquoy  ?  Pource  que  nous  luy  sommes  envoyez  de  Dieu  son  Pere:  c'est  la  marque  par  laquelle  il  nous  monstre  qu'il  nous  a  en  possession  et  heritage.  Et  ainsi  apprenons  que  si  l'Evangile  n'est  point  auiourd'huy  accepte  sans  replique,  et  sans  contention,  s'il  y  a  beaucoup  d'ennemis,  et  manifestes,  et  domestiques,  mesmes  ceste  vermine  qui  est  meslee  parmi  nous,  et  ceux  qui  sont  pires  que  les  Papistes  mesmes,  que  nous  ne  soyons  point  estonnez  pour  cela,  que  nostre  foy  ne  s'esbranle  point  pour  un  tel  scandale.  Et  pourquoy?  Car  il  n'est  point  donne  a  tous  de  se  ranger  ainsi  a  nostre  Seigneur  Iesus  Christ:  mais  qu'il  nous  suffise  d'estre  enrollez  avec  les  eleus  de  Dieu:  car  c'est  son  plaisir:  et  puis  qu'il  s'en  contente,  c'est  bien  raison  aussi  que  nous  passions  tous  par  la.  En  somme,  toutes  fois  et  quantes  que  nous  voyons  l'orgueil  de  ces  vileins  qui  blasphement  contre  Dieu,  que  nous  voyons  des  dissolutions