52:387  387  EPIST.  PAULI  AD  TIMOTHEUM  II  388  Satanae  conatus.  Quod  si  quando  alias  agendum  fuit,  nunc  in  tanta  hominum  ingratitudine  plus  quam  necesse  est.  Nam  qui  initio  avide  evangelium  arripiunt,  et  nescio  quid  non  vulgaris  zeli  ostentant,  paulo  post  concipiunt  fastidium:  ex  quo  tandem  et  nausea  sequitur.  Alii  statim  ab  initio  vel  furiose  reiiciunt,  vel,  contemptim  aurem  accommodantes,  ludibrio  habent.  Alii  non  sustinentes  iugum  sibi  imponi,  calcitrant,  et  odio  sanctae  disciplinae  a  Christo  prorsus  alienantur:  quin  etiam  ex  amicis  fiunt  professi  hostes.  Adversus  tantam  ingratitudinem  nihilominus  luctandum  est:  imo  maiore  nervorum  contentione  est  enitendum,  quam  si  sponte  omnes  amplecterentur  oblatum  Christum:  tantum  abest  ut  debeamus  fracti  cedere.  Deinde  admoniti  de  tali  verbi  Dei  contemptu  adeoque  reiectione,  non  debemus  consternari  quasi  ad  novum  spectaculum,  quum  re  ipsa  impletur  quod  hic  futurum  spiritus  pronuntiat.  Et  sane  quum  natura  propensi  simus  ad  vanitatem,  nihil  novum  accidit  nec  insolitum,  si  fabulis  nos  libentius  damus  quam  veritati.  Huc  accedit  quod  simplex  et  humilis  in  speciem  evangelii  doctrina  nostrae  partim  superbiae,  partim  curiositati  minime  satisfacit.  Iam  vero  quam  pauci  spirituali  gustu  praediti  sunt,  ut  illis  sapiat  vitae  novitas,  et  quidquid  ad  eam  pertinet?  Quamquam  Paulus  de  maiore  quadam  unius  saeculi  impietate  vaticinatur,  quae  nondum  eruperat:  cui  iubet  Timotheum  mature  occurrere.  Coacervabunt  sibi  doctores.  Notandum  est  coacervandi  verbum,  quo  significat  tantam  fore  insaniam  nt  paucis  impostoribus  minime  contenti  sint  futuri,  sed  appetituri  ingentem  turbam.  Nam  ut  est  inexplebilis  rerum  vanarum  et  noxiarum  cupiditas:  ita  sibi  hinc  inde  sine  ullo  fine  accersit  mundus  quaecunque  excogitare  et  fingere  potest  media,  quibus  se  ipsum  perdat.  Et  diabolus  semper  ad  manum  habet  satis  magnam  talium  doctorum  copiam,  quales  a  mundo  expetuntur.  Semper  enim  fertilis  impiorum  hominum  fuit  seges,  ut  hodie  est.  Proinde  nunquam  Satanae  desunt  ministri  ad  fallendum:  sicuti  nunquam  deest  fallendi  materia.  Nam  hoc  meretur  tanta  pravitas,  quae  perpetuo  fere  regnat  inter  homines,  ut  Deum  cum  salutari  sua  doctrina  vel  repudient,  vel  despiciant:  mendacium  libentius  amplexentur.  Itaque  quod  subinde  emergunt  falsi  doctores,  atque  etiam  interdum  quaedam  veluti  examina  scaturiunt,  id  iustae  Dei  ultioni  feramus  acceptum.  Digni  enim  sumus  qui  vel  obruamur  eiusmodi  colluvie,  quando  nullum  apud  nos  locum  invenit  Dei  veritas:  aut  si  iam  obtinuerit,  statim  possessione  pellitur.  Fabulosis  autem  dogmatibus  ita  sumus  dediti  ut  nulla  impostorum  multitudo  nobis  sit  nimia.  Ita  in  papatu  quanta  est  monachorum  colluvies?  Si  alendus  esset  pius  unus  pastor  pro  decem  monachis  et  totidem  sacrificis,  statim  orirentur  queri-