41:387  387  SERMON  VII.  388  Mais  il  nous  faut  retenir  le  baptesme,  comme  i'ay  dit,  selon  qu'il  nous  est  ordonne  de  Dieu.  Et  puis  quand  nous  n'aurions  nul  usage  de  la  Cene,  si  faut  il  que  nous  en  retenons  le  fruit  et  la  substance  par  devers  nous.  Daniel  ne  pouvoit  sacrifier  en  Babilonne.  Il  n'y  avoit  ni  temple  ni  autel  pour  ce  faire.  Et  toutesfois  il  ne  laisse  pas  d'avoir  son  regard  au  temple  de  Ierusalem,  de  faire  son  profit  des  sacrifices,  qui  avoient  este  institues  de  Dieu,  comme  s'ils  eussent  este  faits  en  sa  presence.  Ainsi  donc  ceux  qui  seront  prives  de  l'usage  de  la  Cene,  qu'ils  regardent  vers  Ierusalem,  voire  en  telle  sorte  qu'ils  soient  separes  de  toutes  les  abominations  des  idolatres,  qui  sera  l'argument  que  nous  avons  a  traicter  aux  sermons  suivans,  au  plaisir  de  Dieu.  Suivant  ceste  saincte  doctrine,  nous  nous  prosternerons  devant  la  maieste  de  nostre  bon  Dieu,  etc.  SERMON  VII  sur  le  Chap.  Yl.  v.  11.15.  Nous  avons  ici  a.  traitter  de  la  constance  de  Daniel,  en  ce  qu'il  a  persiste  a  confesser  le  nom  de  Dieu,  non  obstant  qu'il  vist  la  mort  qui  luy  estoit  comme  presente,  que  cela  ne  l'a  point  destourne  de  s'aquiter  de  son  devoir.  Or  de  prime  face  il  sembleroit  qu'il  se  fut  iette  au  danger  sans  propos,  qu'il  eust  hazarde  sa  vie,  car  il  pouvoit  bien  prier  Dieu  en  secret,  comme  il  semble,  et  de  fait  quel  tesmoing  demandons  nous,  sinon  Dieu  seul?  Et  si  nous  avons  esgard  aux  hommes,  voila  une  priere  qui  est  condamnee  d'ambition  et  vaine  gloire.  Ainsi  doncques  si  nous  regardons  seulement  a  Dieu  en  priant,  pourquoy  est  ce  que  Daniel  ne  pouvoit  se  cacher,  et  faire  son  oraison  sans  que  personne  le  vist?  Or  toutesfois  il  ouvre  sa  senestre,  et  se  tourne  devers  le  temple  de  Ierusalem,  il  veut  qu'il  soit  veu,  mesme  il  semble  qu'il  cerche  cela.  On  pourroit  doncques  dire,  qu'il  y  avoit  de  la  temerite  en  luy,  et  mesme  que  son  oraison  ne  seroit  point  droite.  Or  il  nous  faut  noter  en  premier  lieu,  quand  nous  prions  Dieu,  qu'il  faut  que  nous  regardions  a  luy  seul,  comme  nostre  Seigneur  Iesus  Christ  le  declare:  Si  en  toutes  choses  il  faut  que  nous  soions  ententifs  a  Dieu,  et  non  point  aux  hommes,  sur  tout  cela  se  doit  observer  en  la  priere,  car  l'homme  se  retire  vers  Dieu,  se  destournant  du  monde,  quand  il  est  question  de  prier.  Si  nous  demandons  qu'est  ce  en  somme  qu'une  vraie  oraison?  C'est  une  retraitte  de  l'homme,  a  ce  qu'estant  destourne  de  ce  monde  ici,  il  approche  de  Dieu,  et  soit  la  comme  devant  luy.  Puis  qu'ainsi  est  doncques,  nous  voions  maintenant,  que  le  principal