25:387  387  CREDITUS  AD  HISTORIAM.  388  geniti  iovis  eius  decor  erit  ei>  et  cornua  unicornis  cornua  eius:  ipsis  populos  cornupetet  simul  usque  ad  fines  terrae.  Atque  haec  sunt  decem  millia  Ephraim,  et  ista  millia  Manasse.  8.  Ad  Levi  vero  dixit  Haec  moderatio,  vel  correctio  asperioris  sententiae  Iacob,  non  modo  in  gratiam  tribus  leviticae  posita  fait,  sed  magis  totius  populi.  Dixerat  Iacob:  Simeon  et  Levi  arma  iniquitatis  in  habitationibus  eorum,  in  concilium  eorum  non  veniat  anima  mea,  nec  in  coetum  eorum  lingua  mea.  Certe  concidere  poterant  animis  posteri,  saltem  in  nullo  pretio  habiti  fuissent,  quos  tantopere  detestatus  fuerat  patriarcha,  et  autor  generis.  Atqui  tribum  illam  sibi  postea  consecravit  Deus,  ut  inde  sanctitas  deflueret  ad  alias  tribus:  quod  fieri  non  poterat  nisi  deleto  superiore  probro.  Porro  si  quis  rixator  obtrectet  huic  benedictioni,  ac  si  nimius  in  favorem  suae  tribus  propensus  fuisset  Moses^  nulla  eius  rei  apud  eum  residere  potest  suspicio.  Primo,  qui  nunc  Levitas  tam  honorifice  appellat,  idem  fuit  ignominiae  praeco:  neque  antehac  multis  locis  pepercit  suis  popularibus:  sed  libere,  quoties  res  ferebat,  invectus  est  in  eorum  vitia.  Deinde  nihil  in  Levitis  nunc  commendat  praeter  novam  dignitatem  quam  Deo  placuerat  in  ipsos  conferre,  qua  in  parte  etiam  minime  suspectus  esse  debet,  quum  filiis  suis  in  ordinem  coactis,  solos  posteros  Aharon  extulerit  in  summum  honorem.  Nunc  igitur  non  alio  spectat  quam  ne  hominum  culpa  vilescat  sacerdotii  dignitas,  cuius  contemptu  profanata  esset  religio.  Scimus  enim  quam  proclive  sit  in  hominum  personis  arripere  quod  sacris  muneribus  deroget.  Certe  nisi  fuisset  Levi  purgatus  ab  illo  dedecore  quo  aspersus  fuerat,  caruisset  omni  veneratione  sacerdotium  :  atque  ita  minimae  existimationis  fuisset  Dei  cultus.  Nunc  vero  ubi  familiam  illam  sibi  Deus  sanctificat,  quasi  in  integrum  restituit:  unde  apparet,  temporalem  duntaxat  fuisse  poenam:  quia  Mosi  propositum  non  fuit  retractare  quod  spiritus  dictaverat  sancto  Iacob.  Nec  vero  quidquam  ex  se  ipso  protulit  ipse:  sed  idem  spiritus  ignominiam,  quae  foedare  poterat  tribum  Levi,  tollit:  quia  nonnisi  ad  tempus  irrogata  fuerat.  Et  iam  alibi  vidimus,  quod  de  illius  familiae  dispersione  vaticinatus  erat  Iacob,  cessisse  in  honorem:  quia  Levitas  Deus  quasi  in  excubiis  ubique  disposuit,  ut  eorum  opera  doctrinae  puritas  in  toto  populo  vigeret.  Sic  ergo  fuerunt  separati  ut  poena  in  beneficium  cederet.  Tenendum  ergo  est:  Mosen  non  gratificari  suis  fratribus:  sed  honorifice  de  sacerdotio  loqui,  ne  contemptibiles  essent  quos  Deus  ministros  elegerat.  Et  certe  posterior  gratia  vocationis  tegere  debuit  superioris  infamiae  memoriam.  In  hunc  modum  Christus,  Petrum  in  gradum  apostolatus  restituere  volens,  triplicem  eius  abnegationem  delet,  ter  eum  praeficiendo  suis  ovibus