20:387  387  EPISTOLAE  4149.4152  388  istic  tiunt  usi,  qui  a  me  tibi  diligenter  commendati  fuerunt.  Sed  nulla  cuiusquam  est  tanta  perfidia  quae  meum  officium  impediat,  iterque  intercludat  consuetudinis  eius,  qua  tibi  eos  commendare  soleo,  quos  nec  mea  commendatione  nec  tua  opitulatione  non  indignos  esse  existimo.  Hoc  in  genere  ac  numero  est  iste  qui  has  tibi  reddidit:  in  quo  commendando  quum  non  minus  tibi  quam  mihi  notus  probatusque  sit,  testificationem  opinionis  meae,  quam  de  eius  doctrina  pietateque  habeo,  supervacaneam  esse  puto.  Sed  tamen  non  alienum  ab  officio  me  facturum  existimavi,  neque  tibi  ingratum,  si  hoc  genere  litera^  rum  eum  apud  te  prosequerer  quibus  hominem  mihi  carissimum,  qui  a  nobis  ita  discederet  ut  vobiscum  istic  victurus  esset,  quasi  per  manus  tibi  traderem,  praesertim  iis  tempestatibus  iactatum,  in  quibus  iste  portus  vestrae  et  ecclesiae  et  benevolentiae  maximopere  desiderandus  videatur.  Nam  quum  ex  pontificio  comitatu  Carpentoractoque  expulsus  huc  ad  nos  confugisset,  in  Dominoque  nobiscum  de  tota  ratione  ac  statu  rerum  suarum  consilium  cepisset,  visum  est  ut  istuc  ad  vos  proficisceretur,  quum  nihil  apud  nos  esset  quod  nomine  Christi  eiusque  ecclesiae  agere  posset.  Est  autem  eo  rerum  usu  et  prudentia  qua  maximo  usui  et  adiumento  ecclesiae  esse  potest,  ea  vero  naturae  ingeniique  bonitate  atque  voluntate,  ut  indignus  eo  genere  vitae  et  instituto,  in  quo  iam  diu  est  versatus,  plane  videatur.  Itaque  pro  tua  prudentia  videbis  an  opera  eius  istis  vestris  sanctissimis  ecclesiis  opportuna  utilisque  esse  possit.  Nostrarum  quidem  ecclesiarum  is  est  status  et  miserrima  conditio,  in  qua  nulla  virtutis  pietatisque  ratio  habetur.  Orbamur  quotidie  ea  luce  quae  nobis  singulari  Domini  benignitate  in  maximis  tenebris  illuxerat:  sed  quia  nulla  ecclesiae  gravis  est  constituta  disciplina,  ac  summa  potius  licentia,  sumus  iidem  qui  fuimus  antea,  aut  etiam  deteriores,  ut  nulla  emendatio  commutatioque  vitiorum,  sed  progressio  ad  maiorem  impietatem  facta  esse  videatur.  In  hac  privatione  luminis  amissioneque  verbi  Dei  etiam  illa  dona  nobis  eripiuntur  quae  una  cum  clarissima  suavissimaque  illa  luce  mirabiliter  illustrata  fuerunt.  Nam  omnis  et  elegantia  literarum  artiumque  optimarum  depravatur,  et  vis  ingeniorum  atque  studiorum  debilitatur,  ut  in  summa  omnium  rerum  infirmitate  corruptioneque  omnia  nostra  optima  et  studia  et  vitae  instituta  iam  finem  habitura  videantur.  Itaque  ego  quoque  in  summa  vitae  humanae  vanitate  incipio  languere  in  his  studiis  quae  apud*  habent  professionem  seiunctam  ab  eius  cultu  qui  nos  ad  ea  deduxit.  Summa  est  hominum  ignoratio  aut  ingratitudo  tam  iniqua  et  scelerata  ut  vix  diutius  toleranda  videatur.  In  his  tantis  periculis  ac  tenebris  me  familiamque  meam  verbo  Domini  sustento  et  confirmo  ea  pietatis  disciplina  quae