9:386  Oportuit  quidem  modestis  omnibus  Christianis  sufficere  fidei  confessionem  symbolo  apostolico  comprehensam.  Quia  tamen  nonnulli  quos  sua  quaedam  curiositas  a  pura  et  vera  fide  abduxit,  sparsis  quibusdam  falsis  opinionibus  et  erroribus,  pacem  ac  consensum  huius  ecclesiae  perturbarunt,  visum  est  nobis  edere  praesentem  fidei  confessionem  de  una  et  simplice  Dei  essentia  et  trium  personarum  distinctione,  tum  ut  occurramus  omnibus  istis  Satanae  versutiis,  tum  etiam  ut  adversus  istos  impostores  satis  instructi  simus,  atque  adeo  ut  demonstremus,  vos  uno  corde  idem  sentire  et  ore  loqui,  pariterque  reiicere  ac  destestari  omnes  haereses  illi  purae  fidei  contrarias  quam  adhuc  retinuimus  et  ad  extremum  usque  sequi  decrevimus.  Profitemur  ergo  Deum  patrem  ita  genuisse  ab  aeterno  suum  verbum  sive  sapientiam,  quae  est  unicus  ipsius  filius,  et  spiritum  sanctum  ab  utroque  illorum  ita  processisse  ut  unica  sit  ac  simplex  essentia  patris,  filii  et  spiritus  sancti,  [pag.  45]  Quod  autem  pater  a  filio  et  ab  utroque  spiritus  sanctus  sit  distinctus,  id  fieri  personarum  respectu.  1)  Ministres  et  Anciens.  2)  Latinae  versioni  opponimus  italicum  exemplar  quod  exstat  manu  scriptum  coaeva  in  Bibliotheca  Genev.  Cod.  145,  foi.  75.  Versio  gallica  ad  textum  italicum  conformata  est,  sive  potius  utrumque  simul  respexisse  videtur.  Calvini  opera.  Vol  I  X  25