6:386  mora  concludit  Pighius,  nostrae  esse  potestatis,  eiusmodi  reconciliationem  ratam  facere  :  ego  autem  quaerendum  dico,  qualiter  ministerium  illud  efficax  nobis  fiat.  Respondent  prophetae,  et  post  eos  Paulus,  id  fieri,  quum  spiritu  Dei  inscribitur  cordibus  nostris  doctrina,  quam  frustra  alioqui,  et  sine  profectu  aures  exciperent.  Secundum  locum  adducit  ex  Iona:  Quid  rex  Ninivae  ad  Ionae  denunciationem  edicto  promulgavit,  ut  converteretur  quisque  a  via  sua  mala  (Ion.  3,  8),  nisi  sensus  communis  hoc  dictaret,  homini  in  manu  esse  suam  conversionem?  Respondeo,  fuisse  istud  officium  regis  iam  conversi,  ut  alios  ad  exemplum  suum  incitaret.  Certe  civile  regis  edictum  non  plus  habebit  ponderis  ad  probandum  quod  intendit  Pighius,  quam  propheticae  multae  conciones,  quas  sensu  et  verbis  convenire  cum  illo  palam  est.  Sicut  enim  prophetae  officium  est,  dum  homines  ad  Dei  cultum  ac  timorem  instituere  vult,  plantare  et  rigare,  ita  et  regis.  Hanc  autem  praerogativam  sibi  vendicat  Deus,  ut  solus  det  incrementum:  idque  libera  potestate,  ubi  et  quoad  sibi  placuerit.  At  subiicitur,  misertum  fuisse  Deum,  quoniam  eorum  opera  viderit:  quatenus  scilicet  a  libero  eorum  arbitrio  proficiscebantur.  Sic  quidem  interpretatur  Pighius,  qui  hominem  imaginatur  a  se  ipso,  et  natura  habere,  quidquid  boni  habet,  [pag.  214]  Nos  autem,  qui  resipiscere  et  converti,  singulare  esse  Dei  donum,  tot  scripturae  testimoniis  didicimus,  aliter:  Deum,  sicut  illis  dederat,  ut  converterentur,  ita  conversos  amplexum  esse,  et  manum  suam  retraxisse,  ne  secundum  priorem  denunciationem  in  eos  animadverteret.  Miseretur  enim  primum  hominis  nudi,  inopis,  omnique  bono  destituti,  sola  miseria  praediti:  postea  suis  donis  vestitum  et  ornatum  misericordia  persequitur.  At  conversio,  inquit  iterum  Pighius,  ipsis  imputari  non  poterat,  ad  promerendam  aut  obtinendam  gratiam,  si  illos  Deus,  ut  converterentur,  praevenerat.  Vide  quantum  inter  hunc  et  Augustinum  intersit.  Sic  enim  Augustinus1)  loquitur:  A  te  ipso  si  tibi  merita  tua  sunt,  mala  sunt:  ideoque  non  coronantur.  Ut  ergo  bona  sint,  Dei  dona  esse  oportet.  Item:2)  Opera  mea  si  videris,  damnas:  tua  si  videris,  coronas.  Nam  et  quaecunque  bona  opera  habeo,  abs  te  mihi  sunt,  ideoque  tua  potius,  quam  mea.  Ergo  opera  manuum  tuarum  non  despexeris.  Pighius  autem  absurdum  esse  putat,  si  opera  manuum  suarum  respiciat  Deus,  ut  priora  sua  dona  aliis  cumulet.  .  Ratiocinatur  et  ex  hac  Christi  sententia:  Vae  tibi  Capernaum!  Nam  si  in  Tyro  aut  Sidone  aut  1)  De  gratia  et  libero  arbitrio,  cap.  6.  2)  In  Psal.  137.